തിരുവനന്തപുരം: വിദ്വേഷ പ്രസംഗക്കേസിൽ പി.സി ജോർജ്ജ് റിമാൻ്റിൽ മജിസ്ട്രേറ്റ് കോടതി 14 ദിവസമാണ് റിമാന്ഡ് ചെയ്തിരിക്കുന്നത്. മുന്കൂര് ജാമ്യത്തിന്റെ ഉപാധികള് ലംഘിച്ച പശ്ചാത്തലത്തിലാണ് റിമാന്ഡ്. ഇതോടെ, ജോര്ജിനെ തിരുവനന്തപുരം ജില്ലാ ജയിലിലേക്ക് മാറ്റും. ഇതിന് മുന്നോടിയായി പി സി ജോര്ജിനെ വൈദ്യ പരിശോധനയ്ക്കായി വീണ്ടും തിരുവനന്തപുരം ജനറല് ആശുപത്രിയില് എത്തിച്ചു.
സുരക്ഷ മുന്നിര്ത്തി വാഹനത്തില് വച്ച് തന്നെ കൊവിഡ് പരിശോധനയുള്പ്പെടെയുള്ള വൈദ്യ പരിശോധന പൂര്ത്തിയാക്കിയിരുന്നു. അതേസമയം, കോടതിയില് നടന്നത് നാടകീയ സംഭവങ്ങളായിരുന്നു. പൊലീസ് കാരണം പി സി ജോര്ജിന് ജീവിക്കാന് കഴിയുന്നില്ലെന്ന് പി സി ജോര്ജിനെ കോടതിയില് ഹാജരാക്കിയപ്പോള് അദ്ദേഹത്തിന്റെ അഭിഭാഷകന് പറഞ്ഞു. എന്നാല്, പൊലീസിനെതിരെ തനിക്ക് പരാതിയില്ലെന്ന് പി സി ജോര്ജ് കോടതിയില് വ്യക്തമാക്കി.
പി സി ജോര്ജിനെ ഏത് വിധേനയും ജയിലിലടയ്ക്കാനാണ് പൊലീസ് നീക്കം. ഇതാണ് ഇന്നലെ രാത്രി കണ്ടതെന്നും അഭിഭാഷകന് കോടതിയെ അറിയിച്ചു. പൊലീസ് മര്ദ്ദിക്കുമോയെന്ന് ഭയമുണ്ടോയെന്ന് പി സി ജോര്ജിനോട് കോടതി ചോദിച്ചപ്പോള് തനിക്ക് ഒന്നിനേയും ഭയമില്ലെന്ന് മറുപടി നല്കി. സര്ക്കാര് നീക്കം രാഷ്ട്രീയപ്രേരിതമെന്ന് പി സി ജോര്ജ് പറഞ്ഞു.
0 Comments