വീരമലക്കുന്നിലെ മണ്ണിടിച്ചിൽ: ഗതാഗത നിയന്ത്രണം, ചെറുവത്തൂർ - മയിച്ച ദേശീയ പാതയിൽ എല്ലാ ഗതാഗതവും തടഞ്ഞു

കാഞ്ഞങ്ങാട്: ചെറുവത്തൂർ വീരമലക്കുന്നിൽ ദേശിയ പാതയിലേക്ക് മണ്ണിടിഞ്ഞതിനെ തുടർന്ന് ഗതാഗത നിയന്ത്രണം ഏർപ്പെടുത്തിയതായി ജില്ലാ കലക്ടർ  അറിയിച്ചു.

കാഞ്ഞങ്ങാട് ഭാഗത്തുനിന്നും ചെറുവത്തൂർ പയ്യന്നൂർ ഭാഗത്തേക്ക് പോകുന്ന വാഹനങ്ങൾ നീലേശ്വരം ദേശീയ പാതയിൽ നിന്നും കോട്ടപ്പുറം -മടക്കര വഴി ചെറുവത്തൂർ ദേശിയ പാതയിലെത്തി യാത്ര ചെയ്യേണ്ടതാണ്.

പയ്യന്നൂർ ഭാഗത്തുനിന്നും നിലേശ്വരം - കാഞ്ഞങ്ങാട് ഭാഗത്തേക്ക് വരുന്ന വാഹനങ്ങൾ കോത്തായിമുക്ക് - കാങ്കോൽ -ചിമേനി കയ്യൂർ -ചായ്യോത്ത് വഴി നിലേശ്വരം ദേശീയ പാതയിൽ എത്തണം.. ഇതുകൂടാതെ കരിവെള്ളൂർ - പാലക്കുന്ന് വെളളച്ചാൽ - ചെമ്പ്രകാനം -കയ്യൂർ - ചായ്യോത്ത് വഴിയും നിലേശ്വരത്ത് എത്തിച്ചേരണം. ദേശീയപാതയിൽ ഇന്ന് ജൂലൈ 23 ന്

 രാത്രി 10 മണിക്ക്

ശേഷം ചെറുവത്തൂർ മയിച്ച ദേശീയപാതയിലൂടെ എല്ലാ ഗതാഗതവും നിർത്തണം.

ദേശീയപാത അതോറിറ്റിയുടെ സുരക്ഷാ റിപ്പോര്‍ട്ട് ലഭിക്കുന്നതുവരെ ഗതാഗത നിയന്ത്രണം തുടരുന്നതാണെന്നും ജില്ലാ ഭരണകൂടം അറിയിച്ചു.