യുവാവിനെ ക്രൂരമായി മർദ്ദിച്ച് കൊന്ന് മൃതദേഹം ആശുപത്രിയിൽ ഉപേക്ഷിച്ച പ്രതിയെ ക്രൈം ബ്രാഞ്ച് അറസ്റ്റ് ചെയ്തു

കാസർകോട്:യുവാവിനെ തട്ടിക്കൊണ്ട് പോയി ക്രൂരമായി മർദ്ദിച്ച് കൊന്ന ശേഷം മൃതദേഹം ആശുപത്രിയിൽ ഉപേക്ഷിച്ച പ്രതിയെ ക്രൈം ബ്രാഞ്ച് അറസ്റ്റ് ചെയ്തു.

2022 ൽ നടന്ന മുഗുവിലെ അബൂബക്കർ സിദ്ദിഖ് കൊലപാതകകേസിലെ 10 ആം പ്രതി അഷറലി 35യെയാണ് ക്രൈം ബ്രാഞ്ച് അറസ്റ്റ് ചെയ്തത്.

 മൃതദേഹം കുമ്പള ഡിഎംആശുപത്രിയിൽ ഉപേക്ഷിച്ചു കടന്നു കളഞ്ഞ കൊട്ടേഷൻ സംഘത്തിൽ പെട്ട പ്രതിയാണ് അഷറലി.  പെരിയപ്പാടി ഹൗസ്. പൈവലിഗേ  സ്വദേശിയാണ് പ്രതി. ഗൾഫിൽ നിന്നും നാട്ടിലേക്ക് മടങ്ങുന്നതിനിടയിലാണ് കാസർകോട് ക്രൈം ബ്രാഞ്ച് ഡി.വൈ. എസ്.പി മധുസൂദനൻ നായരുടെ നേതൃത്വത്തിൽ കസ്റ്റഡിയിൽ എടുത്ത് അറസ്റ്റ് ചെയ്തത്. സംഭവം നടന്ന ദിവസം രാത്രിയിൽ ഗൾഫിലേക്ക് കടന്ന പ്രതി ഇന്നലെ  രാത്രി നാട്ടിൽ എത്തിയതായിരുന്നു. ക്രൈം ബ്രാഞ്ച് എസ്.പി പി. ബാലകൃഷ്ണൻ നായരുടെ നേതൃത്വത്തിൽ പ്രതിയെ വിശദമായി ചോദ്യം ചെയ്തു വരുന്നു.19 പ്രതികൾ ഉള്ള  കേസ് കഴിഞ്ഞ വർഷം ആണ് ക്രൈം ബ്രാഞ്ചിനു കൈമാറിയത്. ഗൾഫിൽ  നടന്ന ഇടപെടുമായി ബന്ധപ്പെട്ട് കൊട്ടേഷൻ സംഘത്തെ ഏർപ്പാടാക്കി അബൂബക്കർ സിദ്ദിക്കിനെ കൊലപ്പെടുത്തുകയായിരുന്നു. പൈവളിഗയിലെ കുപ്രസിദ്ധ കൊട്ടേഷൻ സംഘമാണ് കൊലക്കു പിന്നിൽ. കൊലപാതകത്തിൽ നേരിട്ട് ബന്ധമുള്ള പ്രതിയാണ് ഇപ്പോൾ അറസ്റ്റിലായ  അഷറലി. കൊലപാതകത്തിനു ശേഷം ഗൾഫിലേക്ക് മുങ്ങിയ അറസ്റ്റ് ചെയ്യാൻ ബാക്കിയുള്ള 5 പ്രതികൾക്ക് വേണ്ടി എല്ലാ എയർപോട്ടുകളിലും ക്രൈം ബ്രാഞ്ച് ലുക്ക്‌ ഔട്ട്‌ സർക്കുലർ പുറത്തിറക്കിയിട്ടുണ്ട്.