കാഞ്ഞങ്ങാട് മൽസ്യ മാർക്കറ്റിലേക്ക് യൂത്ത് കോൺഗ്രസിൻ്റെ മൂക്ക് പൊത്തി മാർച്ച്

കാഞ്ഞങ്ങാട്: കാഞ്ഞങ്ങാട് മത്സ്യ മാർക്കറ്റിന്റെ ശോചനീയാവസ്ഥക്കെ തിരെയും ദുർഗന്ധം വമിക്കുന്ന മത്സ്യ മാർക്കറ്റ് റെയിൽവേ സ്റ്റേഷൻ റോഡിന്റെ ശോചനീയാവസ്ഥ പരിഹരിക്കണമെന്നും ആവിശ്യപ്പെട്ട് യൂത്ത് കോൺഗ്രസ്‌ കാഞ്ഞങ്ങാട് മണ്ഡലം കമ്മിറ്റിയുടെ നേതൃത്വത്തിൽ മത്സ്യ മാർക്കറ്റിലേക്ക് പ്രതിഷേധ മാർച്ചും മൂക്ക് പൊത്തി പ്രതിഷേധവും സംഘടിപ്പിച്ചു. ദിവസവും നൂറു കണക്കിനാളുകൾ നടന്നു പോകുന്ന റയിൽവേ സ്റ്റേഷൻ റോഡിലേക്ക് മത്സ്യ മാർക്കറ്റിലെ മലിന ജലം ഒഴുകിയെത്തി ജനങ്ങൾക്ക് മൂക്ക് പൊത്താതെ നടന്നു പോകാൻ സാധിക്കാത്ത അവസ്ഥയാണ്‌. മത്സ്യ മാർക്കറ്റ് കെട്ടിടത്തിൽ ലക്ഷങ്ങൾ മുടക്കി മലിന ജലം ശുദ്ധികരിക്കുന്ന പ്ലാന്റ് പണിതിട്ടും ഇവിടുത്തെ മത്സ്യ വില്പന തൊഴിലാളികൾ കെട്ടിക്കിടക്കുന്ന മലിന ജലത്തിലിരുന്നാണ് ജോലി ചെയ്യുന്നത്. മത്സ്യ മാർക്കറ്റിലെത്തുന്ന ജനങ്ങൾക്ക് മൂക്ക് പൊത്താതെ നടക്കാൻ പറ്റാത്ത അവസ്ഥയ്ക്കെതിരെ അധികാരികളുടെ കണ്ണ് തുറപ്പിക്കുന്നതിനാണ് യൂത്ത് കോൺഗ്രസ്‌ പ്രതിഷേധ മാർച്ചും മൂക്ക് പൊത്തി പ്രതിഷേധവും സംഘടിപ്പിച്ചത്. മത്സ്യ മാർക്കറ്റിന്റെ ശോചനീയാവസ്ഥ പരിഹരിച്ചില്ലെങ്കിൽ ശ്കതമായ തുടർ സമരങ്ങക്ക്  യൂത്ത് കോൺഗ്രസ്‌ നേതൃത്വം നൽകും. യൂത്ത് കോൺഗ്രസ്‌ കാഞ്ഞങ്ങാട് നിയോജക മണ്ഡലം പ്രസിഡന്റ്‌ ഷിബിൻ ഉപ്പിലിക്കൈ ഉദ്ഘാടനം ചെയ്ത് പറഞ്ഞു.യൂത്ത് കോൺഗ്രസ്‌ മണ്ഡലം പ്രസിഡന്റ്‌ എച്ച്.ആർ. വിനീത്  അധ്യക്ഷത വഹിച്ചു.ഹോസ്ദുർഗ് ബാങ്ക് പ്രസിഡന്റ്‌ പ്രവീൺ തോയമ്മൽ, കോൺഗ്രസ്‌ നേതാക്കളായ വിനോദ് ആവിക്കര,പി. വി. തമ്പാൻ, ഐ എൻ ടി യു സി നേതാവ് പി.വി.ബാലകൃഷ്ണൻ, മത്സ്യ തൊഴിലാളി കോൺഗ്രസ്‌ നേതാവ് വി. വി. കുഞ്ഞികൃഷ്‌ണൻ,യൂത്ത് കോൺഗ്രസ്‌ മുൻ മണ്ഡലം പ്രസിഡന്റ്‌ നിധീഷ് കടയങൻ, ഒ. വി. രതീഷ്, രാജേഷ് മൾട്ടി, രവീന്ദ്രൻ, നിയാസ് ഹോസ്ദുർഗ്,യൂത്ത് കോൺഗ്രസ്‌ നിയോജക മണ്ഡലം സെക്രട്ടറിമാരായ സിജോ അമ്പാട്ട്,സന്ദീപ് ഒഴിഞ്ഞവളപ്പ്, കൃഷ്ണലാൽ തോയമ്മൽ,  ഗോകുൽ ദാസ് ഉപ്പിലിക്കൈ, പ്രതീഷ് കല്ലഞ്ചിറ, ശരത്ത് ചന്ദ്രൻ, അജീഷ് പനത്തടി, മണ്ഡലം സെക്രട്ടറിമാരായ സുനീഷ് അരയി,അർജുൻ, അനിരുദ്ധ്, സിനാൻ, ജിഷ്ണു, രോഹിത്  നേതൃത്വം നൽകി.