നീലേശ്വരം യുവതിയുടെ ഫോട്ടോയും പേരും ഉപയോഗിച്ച് ഇൻസ്റ്റാഗ്രാമിൽ ലൈംഗിക ചുവയോടെ പുരുഷന്മാർക്ക് മെസേജ് അയച്ച് പണം തട്ടാൻ ശ്രമം

നീലേശ്വരം :നീലേശ്വരം തൈക്കടപ്പുറം യുവതിയുടെ ഫോട്ടോയും പേരും ഉപയോഗിച്ച് ഇൻസ്റ്റാഗ്രാമിൽ വ്യാജ ഐഡി ഉണ്ടാക്കി 

 ലൈംഗിക ചുവയോടെ നിരവധി പുരുഷന്മാർക്ക് മെസേജ് അയച്ച് പണം തട്ടാൻ ശ്രമം. 37 കാരിയുടെ പരാതിയിൽ നീലേശ്വരം മാടമ്പില്ലത്ത് ഷബീറിനെതിരെ നീലേശ്വരം പൊലീസ് കേസെടുത്ത് അന്വേഷണം ആരംഭിച്ചു. കഴിഞ്ഞ ജൂൺ 6 ന് മുൻപാണ് ഇൻസ്റ്റാഗ്രാമിൽ ഭർതൃമതിയായ യുവതിയുടെ ഫോട്ടോയും പേരും ഉപയോഗിച്ച് ഇൻസ്റ്റാഗ്രാമിൽ വ്യാജ ഐഡി ഉണ്ടാക്കിയതെന്നാണ് പരാതി. തുടർന്ന് ഈ ഐഡിയിൽ നിന്നും അശ്ലീല വാക്കുകൾ പല പുരുഷന്മാർക്കും അയക്കുകയായിരുന്നു. ഇത് മൂലം അഭിമാനക്ഷതവും മാനഹാനിയുമുണ്ടായെന്ന യുവതിയുടെ പരാതിയിലാണ് കേസ്.