കാഞ്ഞങ്ങാട് :അബുദാബിയിൽ നിന്നും നാട്ടിലേക്ക് പുറപ്പെട്ട ശേഷം കാണാതായ യുവാവിൻ്റെ സി.സി.ടി.വി ദൃശ്യം ലഭിച്ചു. യുവാവ് കൊച്ചിയിൽ വിമാനം ഇറങ്ങിടാക് സി കാറിൽ കയറുന്നതിൻ്റെ സി.സി.ടി.വി ദ്യശ്യമാണ് പൊലീസിന് ലഭിച്ചത്.
ബേഡഡുക്ക ഗദ്ധമൂലയിലെ കൃഷ്ണപ്രസാദിനെ 26 യാണ് കാണാതായത്. അബുദാബിയിലെ ഇത്തിയാദ് കമ്പനിയിൽ ജോലി ചെയ്യുന്ന യുവാവ് ഇക്കഴിഞ്ഞ 21 ന്
വൈകീട്ട് 2.45 ന് അബുദാബിയിൽ നിന്നും നാട്ടിലേക്ക് തിരിച്ചതായിരുന്നു. എന്നാൽ നാട്ടിലേക്ക് വരുന്ന വിവരം വീട്ടുകാർ അറിഞ്ഞിരുന്നില്ല. ബന്ധുവിൻ്റെ വിവാഹത്തിൽ പങ്കെടുക്കാൻ നാട്ടിൽ വന്ന്15 ദിവസം മുൻപ് നാട്ടിൽ നിന്നും അബുദാബിയിലേക്ക് മടങ്ങിയതായിരുന്നു. വിട്ടുകാർ കഴിഞ്ഞ 22 ന് വിളിച്ചപ്പോൾ കൃഷ്ണപ്രസാദിൻ്റെ മൊബൈൽ ഫോൺ സ്വിച്ച്ഓഫിലായിരുന്നു. സുഹൃത്തിനെ വിളിച്ചപ്പോഴാണ് നാട്ടിലേക്ക് വന്നതായി പറഞ്ഞത്. എന്നാൽ വീട്ടിൽ എത്തിയില്ല. ഇതേ തുടർന്ന് ബന്ധുക്കൾ ബേഡകം പൊലീസിൽ പരാതി നൽകുകയായിരുന്നു. പൊലീസ് കേസെടുത്ത് അന്വേഷണം തുടരുന്നുണ്ട്. പൊലീസ് എറണാകുളത്ത് തമ്പടിച്ച് അന്വേഷണത്തിലാണ്. ഇൻസ്പെക്ടർ രഞ്ജിത്ത് രവീന്ദ്രൻ്റെ നേതൃത്വത്തിലാണ് അന്വേഷണം. യുവാവ് കൊച്ചി എയർപോർട്ടിൽ ഇറങ്ങിയ ശേഷം കയറി പോയ ടാക്സി കാറിനെ കണ്ടെത്തിയിട്ടുണ്ട്. എന്നാൽ കാറിൽ നിന്നും ഇറങ്ങി എങ്ങോട്ട് പോയെന്നതിന് വിവരമില്ല. മൊബൈൽ ഫോൺ സ്വിച്ച്ഓഫിലായതിനാൽ സൈബർ സെൽ അന്വേഷണം വഴി മുട്ടി.
0 Comments