ഓട്ടോയിൽ കടത്തിയ മൂന്ന് ചാക്ക് ബീവറേജ് മദ്യവുമായി രണ്ട് പേർ അറസ്റ്റിൽ

കാഞ്ഞങ്ങാട് :ഓട്ടോറിക്ഷയിൽ കടത്തി കൊണ്ട് പോവുകയായിരുന്ന മൂന്ന്

 ചാക്ക് ബീവറേജ് മദ്യവുമായി 

രണ്ട് പേരെ ബേഡകം പൊലീസ് അറസ്റ്റ് ചെയ്തു. ചിറ്റാരിക്കാൽ തിരുമേനി കോക്കടവിലെ എം.വി. ജോബിൻസ് , ഈ സ്റ്റ് എളേരി കാറ്റാം കവലയിലെ കെ.എ. ഷിബു 48 എന്നിവരാണ് അറസ്റ്റിലായത്. മദ്യം കടത്താൻ ഉപയോഗിച്ച ഓട്ടോയും മൂന്ന് ചാക്കുകളിലായി ഉണ്ടായിരുന്ന മില്ലി യുടെ 130 കുപ്പികളിലായി സൂക്ഷിച്ച 65 ലിറ്റർ മദ്യം പൊലീസ് പിടിച്ചെടുത്തു. ബന്തടുക്ക ചർച്ചിന് സമീപം റോഡിൽ വെച്ചാണ് മദവുമായി പ്രതികളെ പിടികൂടിയത്. ഒരാൾക്ക് മൂന്നര ലിറ്ററിൽ താഴെ മാത്രം വിൽപ്പന ചെയ്യാവുന്ന 

ബീവറേജ് ഔട്ട് ലൈറ്റിലെ മദ്യം ഇത്ര കൂടുത ഒറ്റയടിക്ക് ഇവർക്ക് എങ്ങനെ കിട്ടിയെന്നത് സംബന്ധിച്ച് പൊലീസ് പരിശോധിക്കുന്നുണ്ട്. ഏതെങ്കിലും ഉദ്യോഗസ്ഥർക്ക് പങ്കുണ്ടോയെന്നും അന്വേഷണം നടക്കുന്നു. ബന്തടുക്ക ഭാഗത്തെ

 ഒരു വീട്ടിൽ സൂക്ഷിച്ച മദ്യം ചിറ്റാരിക്കാൽ ഭാഗത്തേക്ക് കടത്തി കൊണ്ട് പോകുന്നതിനിടെയാണ് പിടി വീണത്. പ്രതികൾ മദ്യം കടത്തുന്നതായി സൂചന ലഭിച്ചതിനെ തുടർന്ന് രണ്ട് തവണ പ്രതികളെ പിടിക്കാൻ പൊലീസ് ശ്രമം നടത്തിയിരുന്നു. പ്രതികളെ കോടതിയിൽ ഹാജരാക്കുമെന്ന് പൊലീസ് പറഞ്ഞു. ബേഡകം എസ്.ഐ എം. അരവിന്ദൻ,സീനിയർ സിവിൽ പൊലീസ് ഓഫിസർമാരായ ഇ. നാരായണൻ, രതീഷ്, സിവിൽ ഓഫീസർ രാഗേഷ് കുമാർ എന്നിവർ ചേർന്നാണ് മദ്യം പിടിച്ചത്.