30 പവൻ സ്വർണാഭരണങ്ങൾ മോഷണം പോയി. കരിവെള്ളൂർ പലിയേരിയിലെ ഭർതൃവീട്ടിൽ നിന്നുമാണ് നവവധുവിൻ്റെ ആഭരണം മോഷണം പോയത്. പലിയേരി ചൂരക്കാട്ട് അർജുൻ്റെ ഭാര്യ ആർച്ച എസ് സുധിയുടെ ആഭരണങ്ങളാണ് മോഷണം പോയത്. അർജുനൻ്റെയും ആർച്ചയുടെയും വിവാഹം ഇക്കഴിഞ്ഞ വ്യാഴാഴ്ചയായിരുന്നു. വിവാഹത്തിന് അണിഞ്ഞ മുപ്പത് പവൻ ആഭരണങ്ങൾ ആർച്ച പലിയേരിയിലെ ഭർതൃവീട്ടിൽ മുകൾ നിലയിലെ അലമാരയിൽ ഊരി വെച്ചതായിരുന്നു. ഇവിടെ നിന്നും ആണ് മോഷണം നടന്നത്. അന്നേ ദിവസം വൈകീട്ട് 6 മണിക്ക് വെച്ച ആഭരണം പിറ്റേ ദിവസം ഇന്നലെ രാത്രി 9 മണിക്ക് നോക്കിയപ്പോഴാണ് മോഷണം നടന്നതായി അറിയുന്നത്. ആർച്ച നൽകിയ പരാതിയിൽ പയ്യന്നൂർ പൊലീസ് കേസെടുത്ത് അന്വേഷണം ആരംഭിച്ചു.
0 Comments