മൽസ്യ വിൽപ്പനയുടെ മറവിൽ കഞ്ചാവ് വിൽപ്പന ഒരാൾ പിടിയിൽ

കാഞ്ഞങ്ങാട് :മൽസ്യ വിൽപ്പനയുടെ മറവിൽ കഞ്ചാവ് വിൽപ്പന നടത്തുന്ന ഒരാളെ പൊലീസ്  പിടികൂടി കേസെടുത്തു. പടന്ന വടക്കെ പുറത്തെ മൊയ്തീൻ തെക്കെ കോലത്തിനെ 55 യാണ് പിടികൂടിയത്. വടക്കെ പുറത്ത് നിന്നും ചന്തേര സബ് ഇൻസ്പെക്ടർ കെ.പി.സതീഷിൻ്റെ നേതൃത്വത്തിലാണ് പിടികൂടിയത്. 70 ഗ്രാം കഞ്ചാവ് കണ്ടെടുത്തു. ബാഗിൽ നാല് കവറുകളിലാക്കി വിൽപ്പനക്ക് സൂക്ഷിച്ച നിലയിലായിരുന്നു കഞ്ചാവ് .

 പടന്ന മൂസഹാജിമുക്ക് പരിസരത്ത് മത്സ്യ വിൽപ്പന നടത്തുന്ന പ്രതി നേരത്തെയും കഞ്ചാവ് കേസുകളിൽ പ്രതിയായിട്ടുണ്ടെന്ന് പൊലീസ് പറഞ്ഞു.