കാഞ്ഞങ്ങാട്, ബേക്കൽ, കാസർകോട് ഡി.വൈ.എസ്.പിമാർക്ക് പുത്തൻ വാഹനങ്ങൾ ചന്തേര,മേൽപ്പറമ്പ പൊലീസിനും

കാഞ്ഞങ്ങാട് :കാഞ്ഞങ്ങാട്, ബേക്കൽ, കാസർകോട് ഡി.വൈ.എസ്.പിമാർക്ക് പുത്തൻ വാഹനങ്ങളെത്തി. ചന്തേര,മേൽപ്പറമ്പ പൊലീസ് സ്റ്റേഷനുകളിലേക്ക് ബൊലേറോയുമെത്തി. പഴയ വാഹനങ്ങൾക്ക് പകരമായാണ് ആഭ്യന്തര വകുപ്പ് കാസർകോട് ജില്ലയിൽ അഞ്ച് പുതിയ വാഹനങ്ങൾ അനുവദിച്ചത്.

 പുതിയതായി അനുവദിച്ചു കിട്ടിയ വാഹനങ്ങൾ ജില്ലാ പൊലീസ് മേധാവി  ബി.വി. വിജയ ഭരത് റെഡ്‌ഡി  ജില്ലാ പൊലീസ് കാര്യാലയത്തിൽ ഫ്ലാഗ് ഓഫ് ചെയ്തു. ജില്ലയിലെ മൂന്ന് സബ് ഡിവിഷണൽ ഡിവൈഎസ്പി ഓഫീസുകളിലും ചന്തേര, മേല്പറമ്പ പൊലീസ് സ്റ്റേഷനുകളിലും വാഹനങ്ങൾ എത്തിച്ചു.  ചടങ്ങിൽ അഡിഷണൽ എസ് പി സി.എം. ദേവദാസൻ  ഡിവൈഎസ്പിമാർ ഉൾപെടെ ഉദ്യോഗസ്ഥർ പങ്കെടുത്തു.