72 കിലോ വരുന്ന ചന്ദന മരം മുറിച്ചു കടത്താൻ ശ്രമിച്ച രണ്ട് പേർ അറസ്റ്റിൽ

കാഞ്ഞങ്ങാട് : രാത്രി സമയത്ത് സ്കൂട്ടറിലെത്തി സ്വകാര്യ വ്യക്തിയുടെ പറമ്പിൽ നിന്നും72 കിലോ വരുന്ന ചന്ദന മരം

 മുറിച്ചു കടത്താൻ ശ്രമിച്ച

 രണ്ട് പേർ അറസ്റ്റിൽ. പനത്തടിയിൽ നിന്നും ചന്ദനമരം മുറിച്ച പ്രതികളാണ് അറസ്റ്റിലായത്. ഈസ്റ്റ് എളേരി അടുക്കളം പാടി സ്വദേശികളായ എം പി . രതീഷ് 23, ധനേഷ് ദാമോദരൻ 21എന്നിവരാണ് അറസ്റ്റിലായത്. ചാമുണ്ഡിക്കുന്ന് സ്കൂളിന് സമീപത്തെ ആൾ താമസമില്ലാത്ത സ്വകാര്യ പറമ്പിൽ നിന്നുമാണ് മുറിച്ചത്. ചന്ദനം മുറിക്കുന്നത് നാട്ടുകാർ കണ്ടതോടെ സ്കൂട്ടറുമായി പ്രതികൾ രക്ഷപ്പെടുകയായിരുന്നു. ഇവിടെ നിന്നും കഷണങ്ങളാക്കിയ 72 കിലോ ചന്ദനതടി കണ്ടെത്തുകയായിരുന്നു.

പ്രതികളെ തിരിച്ചറിഞ്ഞ് ഇന്നലെ പിടികൂടുകയായിരുന്നു. സ്കൂട്ടറും കസ്റ്റഡിയിലെടുത്തു. കാഞ്ഞങ്ങാട് ഫോറസ്റ്റ് റെയിഞ്ച് ഓഫീസർ കെ. രാഹുൽ, പനത്തടി സെക്ഷൻ ഓഫീസർ സേസപ്പ, എ.കെ. ഷിഹാബുദ്ദീൻ, വിഷ്ണു കൃഷ്ണൻ, വിനീത് എന്നിവർ ചേർന്നാണ് പ്രതികളെ അറസ്റ്റ് ചെയ്തത്.