കാഞ്ഞങ്ങാട് : ഗൾഫ് വ്യവസായിയുടെ ദുരൂഹ മരണത്തിന് മുൻപ് വീട്ടിൽ നിന്നും സ്വർണം കാണാതായസംഭവത്തിൽ പൊലീസ് അന്വേഷണ സംഘം ഇന്നലെ വിവിധ സ്ഥലങ്ങളിൽ തിരച്ചിൽ നടത്തി.
പൂച്ചക്കാട്ടെ പ്രവാസി വ്യവസായി എം.സി. ഗഫൂർ ഹാജിയുടെ മരണത്തിന് പിന്നാലെ വീട്ടുകാർ കാണാതായെന്ന് പരാതിപ്പെട്ട
595 പവൻ സ്വർണാഭരണങ്ങൾ കണ്ടെത്തുന്നതിനാണ് പൊലീസ് തിരച്ചിൽ നടത്തിയത്.
ഗഫൂറിന്റെ മകൻ അഹമ്മദ് മുസമ്മലിന്റെ പരാതിയെ തുടർന്ന് ഉദുമ മാങ്ങാട് യുവതിയുടെ വിട്ടിൽ നേരത്തെ പൊലീസ് അന്വേഷണം നടത്തിയിരുന്നു.
ബേക്കൽ ഇൻസ്പെക്ടർ യു.പി വിപിന്റെ നേതൃത്വത്തിലുള്ള പൊലീസ് സംഘം പൂച്ചക്കാട്ടെ ഗഫൂർ ഹാജിയുടെ വീടിന് സമീപവും പറമ്പിലുമുൾപ്പെടെ യാണ് പരിശോധന നടത്തിയത്. മെറ്റൽ ഡിക്ടറ്റർ അടക്കമുള്ള ഉപകരണങ്ങളുമായായിരുന്നു പരിശോധന.
പറമ്പിലെ വിവിധ സ്ഥലങ്ങളിൽ കുഴിച്ചും പരിശോധന നടത്തി.
പരിശോധന മണിക്കൂറോളം നീണ്ടു. മെറ്റൽ ഡിക്ടറ്റർ അടക്കമുള്ള ഉപകരണങ്ങളുമായായി പറമ്പിലുൾപ്പെടെ പരിശോധന നടന്നു. നാട്ടുകാർ രൂപീകരിച്ച
കർമ്മസമിതിയുടെ ചെയർമാൻ ഹസൈനാർ ആമു ഹാജി, കൺവീനർ സുകുമാരൻ പൂച്ചക്കാട്, വൈസ് ചെയർമാന്മാരായ ബി.കെ.ബഷീർ, കപ്പണ അബൂബക്കർ എന്നിവരും തിരച്ചൽസമയത്ത് സ്ഥലത്തെത്തിയിരുന്നു. പരിശോധനയിൽ ഒന്നും കണ്ടെത്താനായില്ലെന്ന് പൊലീസ് പറഞ്ഞു.
ഗഫൂർ ഹാജിയുടെ മകൻ
അഹമ്മദ് മുസമ്മിൽ പൊലീസിൽ നൽകിയ പരാതിയിൽ ഒരു യുവതിയുടെ പേര് പരാമർശിച്ചിരുന്നു.
ഏപ്രിൽ 14-ന് പുലർച്ചെയാണ് ഫറൂഖിയ മസ്ജിദിന് സമീപത്തെ എം.സി. ഗഫൂർ ഹാജി (55)യെ മരിച്ചനിലയിൽ സ്വന്തം വീട്ടിൽ കണ്ടെത്തിയത്. ഈ സമയത്ത് വീട്ടിൽ മറ്റാരും ഇല്ലായിരുന്നു. തുടർന്ന് മൃതദേഹം കണ്ടെത്തിയപ്പോൾ ആർക്കും സംശങ്ങളൊന്നുമില്ലായിരുന്നു. സ്വാഭാവികമരണമെന്ന നിലയിൽ വീട്ടുകാരും നാട്ടുകാരും ചേർന്ന് അന്നുതന്നെ കബറടക്കം നടത്തുകയും ചെയ്തു. പൊലീസ് കേസെടുത്തതിന് പിന്നാലെ മൃതദേഹം പുറത്തെടുത്ത് പോസ്റ്റ് മോർട്ടം ചെയ്തിരുന്നു. പോസ്റ്റ് മോർട്ടറി പ്പോർട്ടും പൊലീസ് പുറത്തു വിട്ടിട്ടില്ല.
പടം :
ഗഫൂർ ഹാജി
മരണപ്പെട്ടഎം.സി. ഗഫൂർ ഹാജിയുടെ നഷ്ടപ്പെട്ട ആഭരണം കണ്ടെത്താൻ പൊലീസ് പരിശോധന നടത്തുന്നു.
0 Comments