കാഞ്ഞങ്ങാട് :യുവാവിൽ നിന്നും ലക്ഷങ്ങളും സ്വർണവും തട്ടിയ കേസിൽ യുവതി പിടിയിൽ.
ഹണിട്രാപ്പ് കേസിലെ പ്രതി ശ്രുതി ചന്ദ്രശേഖര 32 നാണ്
പൊലീസ് പിടിയിലായത്. ഉഡുപ്പിയിലെ ലോഡ്ജിൽ നിന്നാണ് ശ്രുതിയെ ഇന്ന്
വൈകീട്ട് മേൽപ്പറമ്പ്
പൊലീസ് കസ്റ്റഡിയിൽ എടുത്തത്.
പൊലീസുകാർ ഉൾപ്പെടെ നിരവധിപേരെ ഹണിട്രാപ്പിൽ കുടുക്കിയ ശ്രുതിയുടെ മുൻ‌കൂർ ജാമ്യപേക്ഷ ജില്ലാ പ്രിൻസിപ്പൽ സെഷൻസ് കോടതി നേരത്തെ തള്ളിയിരുന്നു.
കോടതി മുൻ‌കൂർ ജാമ്യം നിഷേധിച്ചതോടെ കേരളം വിട്ട ശ്രുതി ചന്ദ്രശേഖരനെ ഉഡുപ്പിയിലെ ലോഡ്ജിൽ നിന്നു മാണ് പിടികൂടിയത്.
ഐ എസ് ആർ ഒ യിലെ അസിസ്റ്റന്റ് എഞ്ചിനീയർ ചമഞ്ഞു പൊയിനാച്ചി സ്വദേശിയായ യുവാവിൽ നിന്ന് ലക്ഷങ്ങളും സ്വർണാഭരണങ്ങളും തട്ടിയ കേസിലാണ് കസ്റ്റഡിയിലെടുത്തത്. വിദ്യാർത്ഥി, ഇൻകംടാക്സ് ഓഫിസർ എന്നിവ ചമഞ്ഞും ശ്രുതി തട്ടിപ്പ് നടത്തിയിട്ടുണ്ട്. കസ്റ്റഡിയിൽ ഉള്ള പ്രതിയെ കൂടുതൽ ചോദ്യം ചെയ്യുന്നതോടെ തട്ടിപ്പ് സംബന്ധിച്ച മുഴുവൻ വിവരങ്ങളും പുറത്തു വരുമെന്നാണ് നിഗമനം. യുവതിയ്ക്ക് ഒളിവിൽ കഴിയാൻ സഹായം ചെയ്തവരിലേക്കും അന്വേഷണം വ്യാപിപ്പിച്ചു.
0 Comments