പൂച്ചക്കാട് 17കാരന് തോക്കിൽ നിന്നും വെടിയേറ്റു

കാഞ്ഞങ്ങാട്:പൂച്ചക്കാട് 17 വയസുകാരന് തോക്കിൽ നിന്നും വെടിയേറ്റു. ഗുരുതര പരിക്കുകളോടെ 17 കാരനെ ആശുപത്രിയിൽ പ്രവേശിപ്പിച്ചു. സംഭവത്തിൽ ബേക്കൽ പൊലീസ് കേസെടുത്ത് അന്വേഷണം ആരംഭിച്ചു.

പൂച്ചക്കാട്ടെ 17 കാരനാണ് വെടിയേറ്റത്.

പിതാവ് കിടപ്പ് മുറിയിലെ 

 തലയണക്കടിയിൽ വെച്ചതോക്ക് എടുത്ത് പരിശോധിക്കുന്നതിനിടയിൽ അബദ്ധത്തിൽ വെടി പൊട്ടി പരിക്കേൽക്കുകയായിരുന്നു എന്നാണ് കേസ്. അലക്ഷ്യമായി തോക്ക് സൂക്ഷിച്ചതിന് പിതാവിൻ്റെ പേരിൽ പൊലീസ് കേസെടുത്തു. 17 കാരനെ കാസർകോട് ആസ്റ്റർ മിംസ് ആശുപത്രിയിൽ പ്രവേശിപ്പിച്ചു. ഇവിടെയെത്തി പൊലീസ് 17 കാരനിൽ നിന്നും മൊഴിയെടുത്ത ശേഷം കേസെടുക്കുകയായിരുന്നു. ഇന്നലെ രാത്രി 10.30 നാണ് സംഭവം.