കാണാതായ ബാങ്ക് കളക്ഷൻ ഏജൻ്റിൻ്റെ മൃതദേഹം കടപ്പുറത്ത് കണ്ടെത്തി

കാഞ്ഞങ്ങാട് :കാണാതായ ബാങ്ക് കളക്ഷൻ ഏജൻ്റിൻ്റെ മൃതദേഹം ഇന്ന് രാവിലെ  കണ്ടെത്തി.

 മുട്ടത്തൊടി പാമ്പാച്ചിക്കടവിലെ ആനന്ദൻ്റെ മകൻ ബി.എ. രമേശന്റ 50 മൃതദേഹമാണ് കിട്ടിയത്. വ്യാഴാഴ്ച

 രാത്രി 8.30 മണി മുതൽക്കാണ് കാണാതായത്. സഹോദരൻ ബി.എ.ദിനേശ് 42 നൽകിയ പരാതിയിൽ വിദ്യാനഗർ പൊലീസ് കേസെടുത്തിരുന്നു. ഇതിനിടയിൽ ഇദ്ദേഹത്തിൻ്റെ സ്കൂട്ടർ ചന്ദ്രഗിരി പാലത്തിന് മുകളിൽ ഉപേക്ഷിച്ച

നിലയിൽ കണ്ടെത്തുകയായിരുന്നു. തുടർന്ന് പൊലീസും ഫയർഫോഴ്സും സ്ഥലത്തെത്തി പുഴയിൽ തിരച്ചിൽ നടത്തി. ഇന്നലെ രാത്രി വരെ ചന്ദ്രഗിരിപുഴയിൽ ഉൾപ്പെടെ തിരച്ചിൽ നടത്തിയിരുന്നു.

 ഇന്ന് രാവിലെ വീണ്ടും തിരച്ചിൽ പുനരാരംഭിക്കുന്നതിനിടെയാണ്

 മൃതദേഹം നെല്ലിക്കുന്ന് കടപ്പുറത്ത് കണ്ടെത്തിയത് . നാട്ടുകാരാണ് കണ്ടത്. തുടർന്ന് പൊലീസിനെ വിവരമറിയിക്കുകയായിരുന്നു. വിദ്യാനഗർ പൊലീസ് സ്ഥലത്തെ

ത്തി. മൃതദ്ദേഹം ആശുപത്രിയിലേക്ക് മാറ്റി.