കാസർകോട്ട് ഇന്ന് രാവിലെ നടക്കാനിറങ്ങിയപ്പോൾ കണ്ടത് റോഡരികിൽ തള്ളിയ മാലിന്യങ്ങളെന്ന് മന്ത്രി

കാസർകോട്:കാസർകോട്ട് ഇന്ന് രാവിലെ നടക്കാനിറങ്ങിയപ്പോൾ കണ്ടത് റോഡരികിൽ തള്ളിയ മാലിന്യങ്ങളെന്ന് 

തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് പറഞ്ഞു.കഴിഞ്ഞ തവണ കാസർകോട് വന്നപ്പോൾ പ്രഭാത നടത്തത്തിനിടയിൽ റോഡരികിൽ മാലിന്യങ്ങൾ തള്ളിയത് ശ്രദ്ധയിൽപെടുകയും അതിനെ തുടർന്ന് ചില നടപടികൾ സ്വീകരിക്കുകയും ചെയ്തു. ആ പ്രദേശത്ത്

 കുറെ മാറ്റം വന്നിരിക്കുന്നു .

ഇന്ന് രാവിലെ നടക്കാൻ ഇറങ്ങിയപ്പോൾ അന്നു മാലിന്യങ്ങൾ തള്ളിയ സ്ഥലത്ത് മാറ്റം വന്നിട്ടുണ്ട്. എന്നാൽ കുറെ കൂടി മുന്നോട്ട് പോയപ്പോൾ മാലിന്യങ്ങൾ കാണാൻ കഴിഞ്ഞുവെന്നും മന്ത്രി പറഞ്ഞു.

മാലിന്യ നിർമാർജ്ജനത്തിൽ കേരളത്തിൽ ഉണ്ടായ മാറ്റത്തിനനുസരിച്ച് കാസർകോട് മാറ്റം ഉണ്ടാകുന്നില്ലെന്നത് ഗൗരവമായി കാണണമെന്നും മാലിന്യ പരിപാലനത്തിൽ വീഴ്ച വരുത്തുന്നത് നിരാശാജനകമാണെന്നും തദ്ദേശ സ്വയംഭരണ വകുപ്പ് മന്ത്രി  പറഞ്ഞു.

മാലിന്യനിർമാർജനത്തിൽ തദ്ദേശസ്വയംഭരണ സ്ഥാപനങ്ങളെ ശാക്തീകരിക്കുന്നതിന് നിയമം ഭേദഗതി ചെയ്തിട്ടുണ്ട് മാലിന്യം വലിച്ചെറിയുന്നവർക്കെതിരെ കർശന നടപടി സ്വീകരിക്കണം അതിൽ ഒരു വിട്ടുവീഴ്ചയും ഉണ്ടാകാൻ പാടില്ല. തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികളും ഉദ്യോഗസ്ഥരും ജില്ലാതല എൻഫോഴ്സ് മെൻ്റ സ്ക്വാഡും ശക്തമായ നടപടി സ്വീകരിക്കണം വീഴ്ച വരുത്തുന്നവർക്കെതിരെ കർശന നടപടി ഉണ്ടാകും വീഴ്ച വരുത്തുന്നവർ അതിന് ഉത്തരവാദികൾ ആയിരിക്കുമെന്ന് മന്ത്രി പറഞ്ഞു .

ചില മാധ്യമങ്ങളിൽ പ്രസിദ്ധീകരിച്ച ഇത് സംബന്ധിച്ച ഫോട്ടോകളും അയച്ചു കിട്ടിയ വീഡിയോകളും ശ്രദ്ധയിൽപ്പെട്ടിട്ടുണ്ട്. തദ്ദേശ അദാലത്ത് വേദിയിൽ സംസാരിക്കുക യായിരുന്നു മന്ത്രി.