വീടിൻ്റെ ഗേറ്റ് കള്ളന്മാർ കൊണ്ട് പോയി, സ്കൂട്ടറിലെത്തിയ മോഷ്ടാക്കളെ തിരയുന്നു

കാഞ്ഞങ്ങാട്: മോഷ്ടാക്കളെ കൊണ്ട് ഗേറ്റിനും രക്ഷയില്ലാതായി.വീടിൻ്റെ ഗേറ്റ് കള്ളന്മാർ കൊണ്ട് പോയി . സ്കൂട്ടറിലെത്തിയ മോഷ്ടാക്കളെ തിരയുകയാണ് പൊലീസ്.

ചെമ്മനാട് കുവ്വത്തൊട്ടിയിലെ വി. കെ. ജയനാരായണൻ നമ്പ്യാരുടെ വീടിൻ്റെ ഗേറ്റാണ് മോഷ്ടാക്കൾ കൊണ്ട് പോയത്.

മെയിൻ ഗേറ്റിനടുത്തുള്ള ചെറിയ ഗേറ്റാണ് കള്ളന്മാർ കൊണ്ട് പോയത്.

പട്ടാപകലായിരുന്നു മോഷണം. സ്കൂട്ടറിൽ വന്ന രണ്ട് പേരാണ് മോഷണത്തിന് പിന്നിലെന്ന് കരുതുന്നതായി വീട്ടുടമ പറഞ്ഞു.

മേൽപ്പറമ്പ പൊലീസ് കേസെടുത്തു. 5500 രൂപ വില വരുന്ന ഗേറ്റാണ് മോഷണം പോയത്.