കാഞ്ഞങ്ങാട്:പള്സ് പോളിയോ ഇമ്മ്യൂണൈസേഷന് പരിപാടി ഫെബ്രുവരി 27 ഞായറാഴ്ച നഗരസഭയിലെ നാൽപ്പത്തിമൂന്ന് വാർഡുകളിലെയും പ്രധാന കേന്ദ്രങ്ങളിൽ പൂർത്തിയായി. കോവിഡ് സാഹചര്യത്തില് കുട്ടികളുടെ സുരക്ഷ ഉറപ്പാക്കി കോവിഡ് മാര്ഗനിര്ദേശങ്ങള് കര്ശനമായി പാലിച്ചാണ് പോളിയോ പ്രതിരോധ തുള്ളിമരുന്ന് വിതരണം നടന്നത്.ഫെബ്രവരി ഞായ്യറാഴ്ച പ്രത്യേകം സജ്ജീകരിച്ച ബൂത്തുകള് വഴി പോളിയോ തുള്ളിമരുന്ന് നല്കി . തുളളിമരുന്ന് വിതരണം ചെയ്യുന്നതിനായി വോളണ്ടിയര്മാര്ക്കും ആശാ വർക്കർമാർക്കും അങ്കൺവാടി ടീച്ചർമാർക്കും പരിശീലനം നല്കിയിരുന്നു..
രാവിലെ 8 മണി മുതല് വൈകിട്ട് 5 മണി വരെ പ്രവര്ത്തിച്ച ബൂത്തുകളിലെ തിരക്ക് ഒഴിവാക്കുവാനായി ആരോഗ്യ പ്രവര്ത്തകര് നിര്ദ്ദേശിക്കുന്ന സമയത്ത് കുട്ടികളെ കൊണ്ടുപോയി തുള്ളിമരുന്ന് നല്കാന് അമ്മമാര് പ്രത്യേകം ശ്രദ്ധിച്ചു.. സ്കൂളുകള്, അങ്കണവാടികള്, വായനശാലകള്, ആരോഗ്യ സ്ഥാപനങ്ങള് എന്നിവിടങ്ങളിലെ ബൂത്തുകള്, ബസ് സ്റ്റാന്റുകള്, റെയില്വേ സ്റ്റേഷൻ എന്നിവിടങ്ങളിലെ ട്രാന്സിറ്റ് ബൂത്തുകള് എന്നിവ വഴിയാണ് തുള്ളിമരുന്ന് വിതരണം നടന്നത്.
പോളിയോ ബൂത്തിലുള്ളവരും കുട്ടികളെ കൊണ്ടുവന്നവരും കോവിഡ് മാര്ഗനിര്ദേശങ്ങള് കര്ശനമായി പാലിച്ചു. ബൂത്തുകളില് കുട്ടികളുമായി എത്തുമ്പോള് കൈകള് അണുവിമുക്തമാക്കുകയും ശരിയായ രീതിയില് മാസ്ക് ധരിക്കുകയും ശാരീരിക അകലം പാലിക്കുകയും വേണമെന്ന് നിർദ്ദേശിച്ചിരുന്നു. കോവിഡ് മാര്ഗ നിര്ദേശങ്ങളനുസരിച്ച് തുള്ളിമരുന്ന് വിതരണം നടത്തുന്നതിനുള്ള ക്രമീകരണങ്ങൾ നടത്തിയിരുന്നു.. പ്രത്യേക പരിശീലനം നേടിയ ആരോഗ്യ പ്രവര്ത്തകരും വോളണ്ടിയര്മാരുമാണ് തുള്ളിമരുന്ന് വിതരണം നടത്തിയത്
0 Comments