അപകടമുണ്ടാക്കിയ ലോറിയുടെ ഡ്രൈവർ മൂക്കറ്റം മദ്യലഹരിയിൽ അറസ്റ്റ്

കാഞ്ഞങ്ങാട് : കാഞ്ഞങ്ങാട് ടൗണിൽ ഇന്നലെ വൈകിട്ട് രണ്ട് കാറുകളും

ലോറിയും കൂട്ടിയിടിച്ചുണ്ടായ അപകടത്തിൽ പെട്ട

ലോറിയുടെ ഡ്രൈവർ മൂക്കറ്റം വെള്ളത്തിൽ. ലോറി ഡ്രൈവറെ

ഹോസ്ദുർഗ് പൊലീസ് അറസ്റ്റ് ചെയ്തു.

 ടൗണിൽ ഐസ് ലാന്റിന്

എതിർവശം റോഡിലുണ്ടായ അപകടത്തിൽ പെട്ട

ലോറിയുടെഡ്രൈവർ മഹാരാഷ്ട്ര കാരാടിയിലെ സച്ചിൻ വകുട്രി 27 യെയാണ് അറസ്റ്റ് ചെയ്തത്. വൈകുന്നേരം 4. 30 മണിയോടുകൂടിയാണ് അപകടം. പുതിയ കോട്ട ഭാഗത്തേക്ക് പോവുകയായിരുന്ന കാറിനു പിന്നിൽ ലോറിയിടിക്കുകയായിരുന്നു. ലോറിയിടിച്ച കാർ മുൻപിലുണ്ടായിരുന്ന

 ഇന്നോവ കാറിലുമിടിച്ചിരുന്നു.

 രണ്ടു കാറുകളും തകർന്നിരുന്നു.

ലോറി ഡ്രൈവർ മദ്യലഹരിയിൽ ആണെന്ന് അപകട സ്ഥലത്ത് തടിച്ചുകൂടിയവർ പറഞ്ഞതോടെയാണ്

പൊലീസ് എത്തി ലോറി ഡ്രൈവറെയും കൂടെയുണ്ടായിരുന്ന ആളെയും കസ്റ്റഡിയിലെടുത്തത്. കാലുറക്കാത്ത നിലയിൽ മദ്യ ലഹരിയിലായിരുന്നു

ഡ്രൈവർ. തിരക്കേറിയ

റോഡിൽ നൂറ് കണക്കിന് കിലോമീറ്റർ താണ്ടിയാണ് പ്രതി മൂക്കറ്റം മദ്യ ലഹരിയിൽ വാഹനം ഓടിച്ചു കൊണ്ടിരുന്നത്. 

ലോറി ഡ്രൈവറെ ജില്ലാശുപത്രിയിലെത്തിച്ച് പൊലീസ്

 വൈദ്യ പരിശോധനക്ക് വിധേയമാക്കി മദ്യ ലഹരിയിലാണെന്ന് ഉറപ്പാക്കി.