മയക്കുമരുന്ന് കേസിൽ നൈജീരിയൻ യുവതി ബേക്കലിൽ അറസ്റ്റിൽ

കാഞ്ഞങ്ങാട് : മയക്കുമരുന്ന് കേസിൽ നൈജീരിയൻ സ്വദേശിനിയായ യുവതിയെ ബേക്കൽ പൊലീസ് അറസ്റ്റ് ചെയ്തു .അഫ്സത്ത രിഹാനത്ത് ഉസ്മാൻ എന്ന ബ്ലസ്റ്റിൻജോയിയെ 22 യാണ് പൊലീസ് പിടികൂടിയത് . ബംഗ് ളുരു കേന്ദ്രീകരിച്ച് ദിവസങ്ങളായി ബേക്കൽ പൊലീസ് നടത്തിവന്ന അന്വേഷണത്തിനൊടുവിലാണ് യുവതിയെ ബംഗ്ളൂരുവിലെ താമസസ്ഥലത്തു നിന്നും പിടികൂടിയത്. ഇന്ന് രാവിലെ ബംഗ് ളുരുവിൽ നിന്നും ബേക്കലിലെത്തിച്ച യുവതിയെ വിശദമായി ചോദ്യംചെയ്ത് വരികയാണ് .കഴിഞ്ഞ മാസം ചട്ടഞ്ചാൽ സ്വദേശികളായ ദമ്പതികളെയും ബംഗ് ളുരു സ്വദേശികളായ രണ്ടുപേരെയും 150 ഗ്രാം മയക്ക് മരുന്നും സ്വിഫ്റ്റ് കാറുമായി ബേക്കൽ പൊലീസ് പിടികൂടിയിരുന്നു. ഈ കേസിൽ മയക്കുമരുന്ന്  നൽകിയത് നൈജീരിയൻ യുവതിയാണെന്ന് കണ്ടെത്തലിനെ തുടർന്നാണ് പൊലീസ് യുവതിയെ അതിസാഹസികമായി പിടികൂടിയത്. നേരത്തെ പിടിയിലായ യുവതി ഉൾപ്പെടെയുള്ള നാലുപേർ ഇപ്പോഴും റിമാൻഡിൽ ആണ് . പൊലീസിന് ലഭിച്ച ഒരു വാട്സ്ആപ്പ് നമ്പറിനെ ചുറ്റിപ്പറ്റി ആഴ്ചകളായി നടന്ന അന്വേഷണത്തിനിടയിലാണ് നൈജീരിയൻ യുവതിയിലേക്ക് അന്വേഷണം എത്തിയത്. മലയാളികൾക്ക് ബംഗ് ളു

രിൽ നിന്നും മയക്കുമരുന്ന് നൽകുന്നതിന്റെ പ്രധാന കണ്ണിയാണ് പിടിയിലായ നൈജീരിയ യുവതി എന്നാണ് സൂചന .