കാർ ചതിച്ചു മയക്കുമരുന്നുമായി യുവാവ് പൊലീസ് പിടിയിൽ

കണ്ണൂർ : പൊലീസിനെ വെട്ടിച്ചോടിയകാർ ചതിച്ചുമയക്കുമരുന്നുമായി യുവാവിനെ പൊലീസ് പിടികൂടി. എച്ചൂർ മുണ്ടേരിമാവില ചാലിൽ എം. സുഹൈലിനെ 28യാണ് ചക്കരകല്ല് ഇൻസ്പെക്ടർ എം പി . ആസദിൻ്റെ നേതൃത്വത്തിൽ അറസ്റ്റ് ചെയ്തത്. 1.40ഗ്രാം എം.ഡി.എം.എ കാറിൽ കണ്ടെത്തി. ഇന്നലെ രാത്രി ചക്കരകല്ല് ടൗണിൽ വാഹന പരിശോധന നടത്തുകയായിരുന്നു പൊലീസ്.

കൈകാണിച്ചെങ്കിലും ക്രസ്റ്റകാർനിർത്താതെ ഓടിച്ചു പോയി. ഇതോടെ പൊലീസ് കാറിനെ പിന്തുടർന്നു. മൂന്ന് കിലോമീറ്റർ ഓടി ഇടവഴിയിൽ കയറിയ കാർ പെട്ടന്ന് ഓഫായി നിന്നു. ഇതോടെ കാറിനെ വളഞ്ഞ് പ്രതിയെ പൊലീസ് പിടികൂടുകയായിരുന്നു. ബംഗ്ളുരുവിൽ നിന്നും കൊണ്ട് വന്നതാണ് എം.ഡി.എം.എ എന്ന് പൊലീസ് പറഞ്ഞു. എസ്. ഐ സുധാകരൻ,പൊലീസ് ഉദ്യോഗസ്ഥരായ രാജേഷ്, അജയൻ, ജയശീലൻ എന്നിവരും ഇൻസ്പെക്ടർക്കൊപ്പമുണ്ടായിരുന്നു.