വിമത സ്ഥാനാർത്ഥികളെ കൂട്ടത്തോടെ പുറത്താക്കി കോൺഗ്രസ്, സി.പി.എമ്മിലും നടപടി

കാഞ്ഞങ്ങാട്: നീലേശ്വരം നഗരസഭ

തെരഞ്ഞെടുപ്പിൽ രണ്ടു വാർഡുകളിൽ ഔദ്യോഗിക സ്ഥാനാർഥികൾക്കെതിരെ മത്സരിക്കുന്ന സി.പി.എമ്മിലേയും കോൺഗ്രസിലേയും രണ്ടു വനിതപ്രവർ ത്തകരെ പുറത്താക്കി.

വാർഡ് 16 കാര്യങ്കോടിൽനിന്ന് എൽ.ഡി.എഫ് സ്ഥാനാർഥിക്കെതിരെ മത്സരിക്കുന്ന സി.പി. എം ബ്രാഞ്ച് അംഗവും കർഷക ത്തൊഴിലാളി യൂനിയൻ ജില്ലാ കമ്മറ്റി അംഗം എം.വി. വാസന്തിയെ സി.പി.എമ്മിൽ നിന്ന് പുറത്താക്കി. വാർഡ് 34 നീലേശ്വരം ടൗണിൽ നിന്ന് യു.ഡി.എഫ് സ്ഥാനാർഥിക്കെതിരെ മത്സരിക്കുന്ന സജീവ കോൺഗ്രസ് പ്രവർത്തകയും സി.ഡി. എസ് അംഗവുമായ ഉഷ സുധാ കരനെ  കോൺഗ്രസ് പാർട്ടിയുടെ പ്രാഥമികാംഗത്വത്തിൽനിന്ന് പു റത്താക്കി.

ഈസ്റ്റ് എളേരി ഗ്രാമപഞ്ചായത്തിലെ ഒന്നാം വാർഡിൽ ജയ്‌സൺ തോമസ്, മൂന്നാം വാർഡിൽ ജെസ്സി ടോം, ഏഴാം വാർഡിൽ ജോൺ പേണ്ടാനം, ഒമ്പതാം വാർഡിൽ മാത്യു സെബാസ്റ്റ്യൻ, 14-ാം വാർഡിൽ ത്രേസ്യാമ്മ ടോമി, കള്ളാർ ഗ്രാമപഞ്ചായത്തിലെ 10-ാം വാർഡിൽ പി.എം. ബേബി പാലത്തനാടിയിൽ, കു മ്പള ഗ്രാമപഞ്ചായത്തിലെ 18-ാം

വാർഡിൽ സമീറ റിയാസ്, എൻമകജെ ഗ്രാമപഞ്ചായത്തിലെ 14-ാം വാർഡിൽ അബ്ദുൽ ലത്തീഫ്, ബളാൽ ഗ്രാമപഞ്ചായത്തിലെ പത്താം വാർഡിൽ സനോജ് മാത്യു, ചെങ്കള ഗ്രാമപഞ്ചായത്തിലെ പത്താം വാർഡിൽ സലീം എടനീർ, ചെമ്മനാട് ഗ്രാമപഞ്ചായത്തിലെ ഒമ്പതാം വാർഡിൽ മാധവി മുണ്ടോൾ, ചെറുവത്തൂർ ഗ്രാമപ ഞ്ചായത്തിലെ 16-ാം വാർഡിൽ പി. വിജയൻ, 

 കാസർകോട് ബ്ലോക്ക് പഞ്ചായത്ത് എരിയാൽ ഡിവിഷനിൽ പർവിൻ ടീചർ. മഞ്ചേശ്വരം ബോക്ക് പഞ്ചായത്ത് പുത്തിഗെ ഡിവിഷനിൽ ഷുക്കൂർ കനാജെ എന്നിവരെ പുറത്താക്കി.

വിമത സ്ഥാനാർഥികൾക്കു വേണ്ടി പ്രവർത്തിക്കുന്ന കള്ളാർ ഗ്രാമപഞ്ചായത്തിലെ സജി മണ്ണൂർ, ജോഷി പാലത്തനാടിയിൽ, കുമ്പള ഗ്രാമപഞ്ചായത്തിലെ റിയാസ്, കേശവ ദർബാർകട്ട, ബളാൽ ഗ്രാമപഞ്ചായത്തിലെ എൻ. ടി. മാത്യു എന്നിവരെയും കെ.പി. സി.സി പ്രസിഡൻ്റിൻ്റെ നിർദേശാനുസരണം പാർട്ടിയുടെ പ്രാഥമി കാംഗത്വത്തിൽനിന്ന് പുറത്താക്കിയതായി ഡി.സി.സി പ്രസിഡന്റ്  പി.കെ. ഫൈസൽ അറിയിച്ചു. കാഞ്ഞങ്ങാട് നഗരസഭയിൽ സ്വതന്ത്ര സ്ഥാനാർത്ഥിയായി മൽസരിക്കുന്ന വനിത പാർട്ടി പ്രവർത്തകക്കെതിരെയും നടപടിക്ക് സാധ്യതയുണ്ട്.