കോൺഗ്രസ് പ്രചരണ ബോർഡ് എടുത്തു കൊണ്ട് പോയി കീറി നശിപ്പിച്ചു

കാഞ്ഞങ്ങാട് : തദ്ദേശ തിരഞ്ഞെടുപ്പ് പ്രചരണാർത്ഥം സ്ഥാപിച്ച ബോർഡ് എടുത്ത് കൊണ്ട് പോയി കീറി നശിപ്പിച്ചു. സംഭവത്തിൽ ഹോസ്ദുർഗ് പൊലീസ് രണ്ട് പേർക്കെതിരെ കേസെടുത്തു. കാഞ്ഞങ്ങാട് നഗരസഭ 22 ആം വാർഡ് കോൺഗ്രസ് കമ്മിറ്റി പുതുക്കൈ ചേടി റോഡിൽ സ്വകാര്യ വ്യക്തിയുടെ സ്ഥലത്ത് സ്ഥാപിച്ച പ്രചരണ ബോർഡാണ്  നശിപ്പിച്ചത്. വാർഡ് പ്രസിഡൻ്റ് സി. പ്രസാദിൻ്റെ പരാതിയിലാണ് കേസെടുത്തത്. പ്രദേശത്ത് സംഘർഷം ഉണ്ടാക്കണമെന്നലക്ഷ്യത്തോടെ ബോർഡ് നശിപ്പിച്ചെന്നാണ് കേസ്. രാജൻ, പ്രകാശൻ എന്നിവർക്കെതിരെയാണ് കേസെടുത്തത്.