എസ്.ഐ.ആർ ഡ്യൂട്ടിക്കിടെ ബി.എൽ.ഒയെ ചുറ്റിപ്പിടിച്ച് ചുമരിനോട് ചേർത്ത് നിർത്തി മർദ്ദിച്ചു പഞ്ചായത്ത് മെമ്പർക്കെതിരെ കേസ്

കാസർകോട്: സ്ത്രിക്ക് ഫോം നൽകിയില്ലെന്ന കാരണത്താൽ

എസ്.ഐ.ആർ ഡ്യൂട്ടിക്കിടെ ബി.എൽ.ഒയെ ചുറ്റിപ്പിടിച്ച് ചുമരിനോട് ചേർത്ത് നിർത്തി മർദ്ദിച്ചെന്ന പരാതിയിൽ പഞ്ചായത്ത് മെമ്പർക്കെതിരെ കേസെടുത്ത് പൊലീസ്. അഡൂർ ചാമക്കൊച്ചിയിലെ പി. അജിത്തിൻ്റെ 31 പരാതിയിൽ ദേലംപാടി എട്ടാം വാർഡ് മെമ്പർ സുരേന്ദ്രനെതിരെയാണ് ആദൂർ പൊലീസ് കേസെടുത്തത്. ചാപ്പക്കല്ലിൽ ഇന്ന് രാവിലെയാണ് സംഭവം. എസ്. ഐ. ആർ ഫോം കളക്ഷൻ ഡ്യൂട്ടി ചെയ്ത് വരവെ ഡ്യൂട്ടി തടഞ്ഞ് ചീത്ത വിളിച്ച് ഭീഹണിപെടുത്തി കൈ കൊണ്ട് അടിച്ചെന്ന പരാതിയിലാണ് കേസ്. പുഷ്പ എന്ന സ്ത്രീക്ക് നേരിട്ട് ഫോം നൽകാത്തതിനായിരുന്നു മർദ്ദനം. സംഭവത്തിൽ അന്വേഷണം നടത്തി നടപടി സ്വീകരിക്കാൻ ജില്ലാ കലക്ടറും നിർദ്ദേശം നൽകിയിരുന്നു.