യുവാവിനെ ആക്രമിച്ച് സ്കൂട്ടിയും മൊബൈൽ ഫോണും കവർച്ച ചെയ്തു 4 പേർക്കെതിരെ കേസ്

കാഞ്ഞങ്ങാട് :യുവാവിനെ ആക്രമിച്ച് സ്കൂട്ടിയും മൊബൈൽ ഫോണും

പേഴ്സും കവർച്ച ചെയ്തതായി പരാതി. 4 പേർക്കെതിരെ പൊലീസ് കേസെടുത്തു. രാത്രി 7 മണിയോടെ ഉദുമ ബസ് സ്റ്റോപ്പിന് സമീപത്താണ് സംഭവം. പാകൃരയിലെ എൻ. ബി. സൈനുൽ ആബിദിൻ്റെ 24 പരാതിയിലാണ് 4 പേർക്കെതിരെ ബേക്കൽ പൊലീസ് കേസെടുത്തത്. പ്രതികൾ കാറിൽ കയറ്റാൻ ശ്രമിക്കുകയും കുതറി ഓടിയ സമയം പിടികൂടി കഴുത്തിന് പിടിച്ച് കവർച്ച നടത്തിയെന്നാണ് പരാതി. സൈനുൽ ആബിദിന് ജോലി ആവശ്യാർത്ഥം നൽകിയ 500 ഡോളർ തിരികെ നൽകാത്തതിലുള്ള വിരോധമാണ് സംഭവത്തിന് കാരണമെന്ന് പറയുന്നു.