കാഞ്ഞങ്ങാട്ട് യുവ ഡോക്ടർ കുഴഞ്ഞു വീണ് മരിച്ചു

കാഞ്ഞങ്ങാട് :കാഞ്ഞങ്ങാട്ട് യുവ 

ഡോക്ടർ കുഴഞ്ഞു വീണ് 

മരിച്ചു. പുതിയ കോട്ടയിൽ

കുഴഞ്ഞുവീണ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ഹൃദയാഘാതമാണ് മരണകാരണം. മലപ്പുറം എടയൂർ സ്വദേശി കുറ്റിപ്പുറം മൂടാലിൽ താമസിക്കുന്ന കെ.എച്ച്. അൻവർ 41 ആണ് മരിച്ചത്. ഭാര്യ നസീമ, മക്കളായ അയാൻ , ഇനായ , ഐറിഖ് എന്നിവർക്കും കുടുംബ സുഹൃത്തുകൾക്കും ഒപ്പം കാഞ്ഞങ്ങാട്ടെത്തിയതായിരുന്നു. രാവിലെ 9 ന്പുതിയ കോട്ട പള്ളിയിൽ വെച്ച് ശാരീരിക അസ്വസ്ഥത അനുഭവപ്പെട്ട് കാഞ്ഞങ്ങാട് സ്വകാര്യാശുപത്രിയിലെത്തിച്ചെങ്കിലും മരിച്ചു. ഹോസ്ദുർഗ് പൊലീസ് നടപടി പൂർത്തിയാക്കി. പോസ്റ്റ്മോർട്ടത്തിന് ശേഷം ഉച്ചയോടെ മൃതദേഹം മലപ്പുറത്തേക്ക് കൊണ്ട് പോകും. പിതാവ് ഷൗക്കത്ത്. കുറ്റിപ്പുറത്ത് സ്വകാര്യ ക്ലിനിക്ക് നടത്തി വരികയായിരുന്നു.