മടിക്കൈയിൽ പുലിയിറങ്ങി ആളുകൾ നോക്കി നിൽക്കെ ആടിനെ പിടിച്ചു കൊണ്ട് പോയി

കാഞ്ഞങ്ങാട് : മടിക്കൈ തോട്ടിനാട് കുറ്റിയടുക്കം കണ്ണാടി പാറയിൽ പുലിയിറങ്ങി. ഇന്ന് രാത്രി 8 മണിയോടെയാണ് പുലിയെ കണ്ടത്. ഇവിടെ നിന്നും ആളുകൾ

നോക്കി നിൽക്കെ

 ആടിനെ പുലികടിച്ചു കൊണ്ട് പോയി. ആളുകളുടെ ബഹളം കേട്ട് ആടിനെ കുറ്റിക്കാട്ടിൽ ഉപേക്ഷിച്ച് പോയ ശേഷം അൽപ്പം കഴിഞ്ഞ് തിരികെയെത്തിയ പുലി ആടിൻ്റെ ഉരു ഭാഗം കടിച്ചെടുത്ത് കൊണ്ട് പോയി. ആളുകൾ പുലിയെ നേരിൽ കണ്ടു. വലിയ പുലിയാണ്. പുലിയുടെ വീഡിയോ ക്യാമറയിൽ പകർത്തിയിട്ടുണ്ട്. ഓട്ടോക്ക് കുറുകെ പുലി ചാടിയതായും പറയുന്നുണ്ട്.

ജനവാസ സ്ഥലത്താണ് പുലിയെ കണ്ടത്. ആളുകൾ ഭയവിഹ്വലരാണ്. കോട്ടപ്പാറക്ക് സമീപം വാഴക്കോട് ഭാഗത്ത് ദിവസങ്ങളായി കണ്ട് വന്ന പുലിയാണിതെന്നാണ് സംശയം. വിവരമറിഞ്ഞ് ഫോറസ്റ്റ് കാഞ്ഞങ്ങാട് റേഞ്ച് ഓഫീസർ രാഹുലിൻ്റെ നിർദ്ദേശപ്രകാരം വനപാലകർ സ്ഥലത്തേക്ക് പോയിട്ടുണ്ട്.