യുവതിക്ക് കഴുത്തിന് കുത്തേറ്റു ഭർത്താവിനെ തിരയുന്നു തടയാൻ ശ്രമിച്ച അമ്മക്കും സഹോദരിക്കും പരിക്ക്

കാഞ്ഞങ്ങാട് : പേന കത്തി കൊണ്ട് ഭാര്യയുടെ കഴുത്തിന് ഭർത്താവ് കുത്തി. തടയാൻ ശ്രമിച്ച അമ്മക്കും സഹോദരിക്കും പരിക്കേറ്റു. പുതുക്കൈ ഭൂതാനത്തെ എ. എം. ശാരികക്കാണ് 39 കഴുത്തിന് കുത്തേറ്റത്. വൈകീട്ട് ഭൂതാനത്തെ മാതാവിൻ്റെ വീട്ടിൽ വെച്ചാണ് സംഭവം. ഭർത്താവ് ഇന്ദിര നഗറിലെ മനോജിനെതിരെ സംഭവവുമായി ബന്ധപ്പെട്ട് ഹോസ്ദുർഗ് പൊലീസ് നരഹത്യാ ശ്രമത്തിന് കേസെടുത്തു. ഭർത്താവിനൊപ്പം ചെർക്കളയിലെ വീട്ടിലേക്ക് പോകാത്ത വിരോധമാണ് കാരണം. ഭാര്യയെ കൊന്ന ശേഷം ഞാനും ചാകുമെന്ന് പറഞ്ഞ് ഭർത്താവ് കുത്തിയെന്നാണ് പരാതി. അമ്മയും സഹോദരിയും തടഞ്ഞില്ലായിരുന്നുവെങ്കിൽ മരണം സംഭവിക്കുമായിരുന്നുവെന്നാണ് കേസ്. പ്രതിയെ കണ്ടെത്താൻ പൊലിസ് അന്വേഷിക്കുന്നു. യുവതിയെ ജില്ലാ ശുപത്രിയിൽ പ്രവേശിപ്പിച്ചു.