ഉദുമയിൽ മീൻ ലോറി ബൈക്കിലിടിച്ച്‌ രണ്ട് യുവാക്കൾക്ക് ദാരുണ അന്ത്യം. മരിച്ചത് ഗോവയിലേക്ക് ഫുട് ബോൾ ഫൈനൽ കാണാൻ ബൈക്കിൽ യാത്ര തിരിച്ച യുവാക്കൾ

കാഞ്ഞങ്ങാട്: കെ.എസ്ടിപി റോഡിൽ ഉദുമ പള്ളത്ത് ഇന്ന് ഞായർ രാവിലെ 5.15 ന് മീൻ ലോറി മോട്ടോർ ബൈക്കിലിടിച്ച് രണ്ട് യുവാക്കൾ മരിച്ചു.

ഗോവയിൽ നടന്നുവരുന്ന ഫുട് ബോൾ മൽസര ഫൈനൽ കാണുന്നതിന് യാത്ര തിരിച്ച യുവാക്കളാണ് മരിച്ചത്.

മലപ്പുറം സ്വദേശികളായ മുഹമ്മദ് ഷിബിൽ 21, ജംഷാദ് 22 എന്നിവരാണ് മരിച്ചത്.

കാഞ്ഞങ്ങാട് ഭാഗത്തേക്ക് മൽസ്യവുമായി വന്ന മീൻ ലോറിയുവാക്കൾ സഞ്ചരിച്ച മോട്ടോർ ബൈക്കിലിടിക്കുകയായിരുന്നു

ഇരുവരും സംഭവസ്ഥലത്ത് തന്നെ മരിച്ചു ബേക്കൽ പോലീസ് സ്ഥലത്തെത്തി