പെരിയയിൽ വ്യാപാരിക്കും ജീവനക്കാരിക്കും ക്രൂരമർദ്ദനം രണ്ട് പേരെ തിരയുന്നു

കാഞ്ഞങ്ങാട് :പെരിയയിൽ കടയിൽ കയറി വ്യാപാരിക്കും ജീവനക്കാരിക്കും  ക്രൂരമർദ്ദനം .കേസെടുത്തേ ബേക്കൽ

പൊലീസ്

രണ്ട് പേരെ കണ്ടെത്തുന്നതിനായി അന്വേഷണമാരംഭിച്ചു. പെരിയ ടൗണിൽ പ്രവർത്തിക്കുന്നെ വൈ എ ട്രേഡേഴ്സ് എന്ന സ്ഥാപനത്തിലാണ് രണ്ടംഗ സംഘം ആക്രമണം നടത്തിയത്. സ്ഥാപന ഉടമ പെരിയ

മൊയോളത്തെയദുകുമാർ കാർത്തികേയൻ 44, സ്ഥാപനത്തിലെ ജീവനക്കാരി മുത്തന ടുക്കത്തെ കുസുമം 45 എന്നിവർക്കാണ് പരിക്ക്. ഇരുവരെയും ജില്ലാ ശുപത്രിയിൽ പ്രവേശിപ്പിച്ചു. യദുകുമാറിനെ കസേര ഉൾപെടെ ഉപയോഗിച്ച് അടിച്ചു. തടയാൻ ശ്രമിച്ച ജീവനക്കാരിയെ മുടിക്ക് പിടിച്ച് നിലത്തിട്ട് ചവിട്ടി. അക്രമത്തിന്റെ സി.സി.ടി.വി ക്യാമറ ദൃശ്യം പുറത്ത് വന്നു. വാങ്ങിയ സാധനത്തിന്റെ ഗ്യാരണ്ടി സംബന്ധിച്ച തർക്കമാണ് അക്രമത്തിൽ കലാശിച്ചതെന്ന് പറയുന്നു.