യുവതിയെ നടുറോഡിൽ മാനഭംഗപ്പെടുത്തിയ പ്രതി അറസ്റ്റിൽ

ചന്തേര: കടയടച്ച് വീട്ടിലേക്ക് മടങ്ങിയ 38 കാരിയെ കയറിപ്പിടിച്ച് മാനഭംഗപ്പെടുത്താൻ ശ്രമിച്ച പ്രതിയെ ചന്തേര പോലീസ് കുടുക്കി.

മലപ്പുറം പള്ളിക്കുന്ന് കടലുണ്ടി നഗരത്തിലെ അർഷാദിനെ (23) യാണ് ചന്തേര എസ് ഐ, എം.വി.ശ്രീദാസ് അറസ്റ്റ് ചെയ്തത്. കഴിഞ്ഞ ദിവസം രാത്രി ഒൻപതരയോടെയാണ് സംഭവം. വലിയപറമ്പ് വെളുത്തപൊയ്യയിൽ നിന്ന് കടയടച്ച് ടോർച്ചുമായി ഇടവഴിയിലൂടെ വീട്ടിലേക്ക് പോകവെയായിരുന്നു സംഭവം. യുവതി ഉടൻ തന്നെ ചന്തേര പൊലീസിൽ പരാതി നൽകി. 3 ദിവസം മുമ്പ് കടയിൽ റീചാർജ് ചെയ്യാനെത്തിയ യുവാവുമായി സാദൃശ്യമുള്ളയാളാണ് കയറിപ്പിടിച്ചതെന്ന് സംശയിക്കുന്നതായി പരാതിയിൽ പറഞ്ഞിരുന്നു. ഈ നമ്പർ കണ്ടെത്തി സൈബർ സെല്ലിൻ്റെ സഹായത്തോടെ നടത്തിയ അന്വേഷണമാണ് പ്രതിയെ കുടുക്കിയത്. ചന്തേര എഎസ്ഐ, കെ.ലക്ഷ്മണൻ, സിവിൽ പൊലീസ് ഓഫിസർമാരായ എൻ.എം.രമേശൻ, പി.പി.സുധീഷ് എന്നിവരും പൊലീസ് സംഘത്തിലുണ്ടായിരുന്നു. നടപടികൾ പൂർത്തിയാക്കി പ്രതിയെ ഹൊസ്ദുർഗ് കോടതിയിൽ ഹാജരാക്കുമെന്ന് എസ്ഐ, 

എം.വി.ശ്രീദാസ് പറഞ്ഞു.