കാഞ്ഞങ്ങാട്; പൊട്ടിച്ച ബിയര്‍കുപ്പികൊണ്ടുള്ള കുത്തേറ്റ് യുവാവിന് ഗുരുതരം. പരവനടുക്കം മച്ചിനടുക്കത്തെ കെ അഭിലാഷി(29)നാണ് കുത്തേറ്റത്. കഴിഞ്ഞ ദിവസം രാത്രി പെരുമ്പള കോളിയടുക്കത്തെ ശിവപുരം ക്ഷേത്രത്തിന് സമീപമാണ് സംഭവം. ശിവപുരത്തെ ക്വാര്‍ട്ടേഴ്‌സില്‍ താമസിക്കുന്ന ഹരീഷാണ് അഭിലാഷിനെ അക്രമിച്ചത്. അഭിലാഷ് ഗുരുതരമായ പരിക്കുകളോടെ ആസ്പത്രിയില്‍ ചികില്‍സയിലാണ്. അഭിലാഷിന്റെ സുഹൃത്ത് പരവനടുക്കത്തെ എം പ്രജിത് നല്‍കിയ പരാതിയില്‍ ഹരീഷിനെതിരെ മേല്‍പ്പറമ്പ് പൊലീസ് കേസെടുത്തു. ഹരീഷ് താമസിക്കുന്ന മുറിയിലേക്ക് വന്ന സ്ത്രീകളെക്കുറിച്ച് അന്വേഷിച്ചപ്പോള്‍ പ്രകോപിതനായി അഭിലാഷിനെ മര്‍ദിക്കുകയും ബിയര്‍ കുപ്പി പൊട്ടിച്ച് കുത്തുകയും ചെയ്തുവെന്ന് യുവാവ് നൽകി പരാതിയില്‍ പറഞ്ഞു.
0 Comments