അപകടത്തിൽപ്പെട്ട യുവാവിനെ സഹായിക്കാൻ കാരുണ്യയാത്രയുമായി മൂന്ന് സ്വകാര്യ ബസുകൾ

കാഞ്ഞങ്ങാട് :

ചീമേനിയിലെ ഉത്സവം കഴിഞ്ഞ് മടങ്ങുന്നതിനിടെ കഴിഞ്ഞ 16ന് ചെറുവത്തൂരിൽ നിന്ന് ബൈക്ക് അപകടത്തിൽ പരിക്കേറ്റ യുവാവിനായി ബസുകൾ കാരുണ്യയാത്ര നടത്തുന്നു. സ്വകാര്യ ബസ് ഡ്രൈവറായ കാടങ്കോട്ടെ ഷിജി മേലേടത്തിനെ സഹായിക്കാനാണ് ഉടമകളുടെയും തൊഴിലാളികളുടെയും കൂട്ടായ്മയായ മലബാര്‍ ബസ് ക്ലബ്ബിന്റെ നേതൃത്വത്തിൽ മൂന്ന് ബസുകൾ ചൊവ്വാഴ്ച കാരുണ്യ യാത്ര നടത്തുന്നത്. പയ്യന്നൂര്‍ കാക്കടവ്, പയ്യന്നൂര്‍ ചീമേനി പരപ്പ റൂട്ടിലെ കരിപ്പാൽ, കാഞ്ഞങ്ങാട് പയ്യന്നൂര്‍ റൂട്ടിലെ തിരുവാതിര ബസുകൾ സര്‍വീസ് നടത്തികിട്ടുന്ന തുക ചികിത്സാ സഹായ നിധിയിലേക്ക് കൈമാറും. തലയ്ക്കും കണ്ണിനും നെഞ്ചിനും ​ഗുരുതരമായി പരിക്കേറ്റ യുവാവ് കണ്ണൂര്‍ മിംസിൽ ചികിത്സയിലാണ്.