കാഞ്ഞങ്ങാട് നഗരസഭ ട്രഞ്ചിംഗ് ഗ്രൗണ്ടിന് തീ പിടിച്ചു നൂറ് കണക്കിന് ലോഡ് മാലിന്യം കത്തി

കാഞ്ഞങ്ങാട് നഗരസഭ ട്രെയിഞ്ചിംഗ് ഗ്രൗണ്ടിലെ മാലിന്യങ്ങൾക്ക് തീ പിടിച്ചു നൂറുകണക്കിന് ലോഡ് മാലിന്യങ്ങൾ കത്തി നശിച്ചു 

കാഞ്ഞങ്ങാട് : കാഞ്ഞങ്ങാട് നഗരസഭയുടെ കീഴിലുള്ള ചെമ്മട്ടം വയൽ ചിൽഡ്രൻസ് പാർക്കിന് സമീപത്തുള്ള ട്രഞ്ചിംഗ് ഗ്രൗണ്ടിന് തീപിടിച്ചു. ഇന്ന് ഉച്ചയോടെയാണ് തീപിടുത്തമുണ്ടായത്. നൂറുകണക്കിന് ലോഡ് മാലിന്യങ്ങൾ കത്തി നശിച്ചു .വർഷങ്ങളായി നീക്കം ചെയ്യാതെ ട്രഞ്ചിംഗ് ഗ്രൗണ്ടിന്റെ ഏറ്റവും പിറകുവശത്തായി കൂട്ടിയിരുന്ന മാലിന്യങ്ങൾക്കാണ് തീ പിടിച്ചത് .  മുൻഭാഗത്ത് കൂട്ടിയിരുന്ന പുതിയതായി കൊണ്ടുവന്ന മാലിന്യങ്ങൾക്കൊന്നും തീ പിടിച്ചിട്ടില്ല. 10 വർഷത്തിലേറെ പഴക്കമുള്ള മാലിന്യത്തിനാണ് തീപിടിച്ചത്.പുക ഉയരുന്നത് കണ്ട് നാട്ടുകാരാണ് വിവരം ബന്ധപ്പെട്ടവരെ അറിയിച്ചത്. കാഞ്ഞങ്ങാട് നിന്നും അഗ്നി രക്ഷാപ്രവർത്തകർ ഉൾപ്പെടെ സ്ഥലത്തെത്തി. ഫയർഫോഴ്സ് എത്തുമ്പോഴേക്കും മുക്കാൽ ഭാഗവും കത്തിയിരുന്നു. മുൻഭാഗത്തേക്ക് തീ പടരുന്നത് തടയാനായി . അബദ്ധത്തിൽ തീ പിടിക്കാൻ സാധ്യതയില്ലെന്നും തീപിടുത്തത്തിൽ ദുരൂഹത ഉള്ളതായി നഗരസഭ പ്രതിപക്ഷ നേതാവും  കെ. കെ. ജാഫർ ആരോപിച്ചു  .