ടിപ്പർ ലോറിയിൽ കൊണ്ട് വന്ന് തള്ളിയ മാലിന്യം തിരികെയെടുപ്പിച്ച് നാട്ടുകാർ

റോഡരിവിലെ ഒഴിഞ്ഞ സ്ഥലത്ത് തള്ളിയ മാലിന്യം സി.പി.എം പ്രവർത്തകരും നാട്ടുകാരും ചേർന്ന്

 തീരുകയെടുപ്പിച്ചു. കാഞ്ഞങ്ങാട് നഗരസഭ പരിധിയിലെ മേലാംകോട്, നെല്ലിക്കാട് റോഡരികിൽ ഇന്ന് രാത്രി 8 മണിയോടെ തള്ളിയ മാലിന്യമാണ് തിരികെയെടുപ്പിച്ചത്.  ഫ്ലക്സ് ബോർഡുകളും പ്ലാസ്റ്റിക്കുകളും ഉൾപ്പെടെയുള്ള മാലിന്യമായിരുന്നു ലോറിയിൽ . സ്വകാര്യ വ്യക്തിയുടെ ഒഴിഞ്ഞ സ്ഥലത്ത് മാലിന്യം തള്ളുന്നത് കണ്ട സി.പി.എം പ്രവർത്തകർ ഇത് ചോദ്യം ചെയ്തു. ചെയർ പേഴ്സൺ

കെ.വി. സുജാതയും സി.പി.എം

 നേതാക്കളായ അഡ്വ. അപ്പുക്കുട്ടൻ എം. രാഘവൻ ഉൾപ്പെടെ സ്ഥലത്തെത്തി.  

തള്ളിയ മാലിന്യങ്ങൾ തിരിച്ചെടുത്തെ മതിയാകൂ എന്ന നിലപാടിലായിരുന്നു സി.പി.എം പ്രവർത്തകർ. പ്രശ്നം രൂക്ഷമായതോടെ നാളെ മാലിന്യം തിരിച്ചുകൊണ്ടു പോകാമെന്ന്   പറഞ്ഞെ ങ്കി ലും നാട്ടുകാർ ഇതിന് വഴങ്ങിയില്ല. ഇതേ തുടർന്ന്ജെ.സി.ബി വിളിച്ചുവരുത്തി നിക്ഷേപിച്ച മാലിന്യങ്ങൾ മുഴുവൻ ടിപ്പർലോറിൽ കയറ്റി തിരിച്ചുകൊണ്ടു പോയി. സ്കൂൾ കുട്ടികൾ ഉൾപ്പെടെ നൂറുകണക്കിന് ആളുകൾ നിത്യവും സഞ്ചരിക്കുന്ന പ്രധാന റോഡരികിലാണ് മാലിന്യം തള്ളിയതെന്ന് നാട്ടുകാർ പറഞ്ഞു.