കാസർകോട് :
ഇസ്മയിലിന്റെ കണ്ണീരൊപ്പി മന്ത്രി മുഹമ്മദ് റിയാസ്. ചെങ്കള സന്തോഷ് നഗര്‍ ദേശീയപാതയോട് ചേര്‍ന്നുള്ള പോക്കറ്റ് റോഡില്‍ താമസിക്കുന്ന വികലാംഗനായ സഹോദരന്റെ ദുഃഖവുമായാണ് ഇസ്മയില്‍ അദാലത്ത് വേദിയില്‍ എത്തിയത്. റോഡിനോട് ചേര്‍ന്നുള്ള ചെറിയ ഓടുമേഞ്ഞ വീട്ടില്‍ താമസിക്കുന്ന സഹോദരന്റെ വീടിനു മുകളിലേക്ക് പടര്‍ന്നു നില്‍ക്കുന്ന വലിയ മരവും ആ മരത്തിന് മുകളിലൂടെ പോകുന്ന എച്ച്.ഡി, സര്‍വീസ് ലൈനുകളും അത് ഭാവിയില്‍ ഉണ്ടാക്കിയേക്കാവുന്ന വലിയ ദുരന്തവും ഇസ്മയില്‍ മന്ത്രിയുടെ മുന്നില്‍ പറഞ്ഞു. വിഷയത്തിന്റെ ഗൗരവം മനസ്സിലാക്കിയ മന്ത്രി രണ്ട് ദിവസത്തിനകം മരം മുറിച്ചു നീക്കാന്‍ അധികൃതര്‍ക്ക് നിര്‍ദേശം നല്‍കി.
എന്‍ഡോസള്‍ഫാന്‍ ദുരിത ബാധിതരുടെ മെഡിക്കല്‍ ക്യാമ്പ് സ്ഥലവും തീയതിയും തീരുമാനിക്കണം
ജില്ലാ കളക്ടര്‍ക്ക് മന്ത്രി പി.എ.മുഹമ്മദ് റിയാസ് നിര്‍ദ്ദേശം നല്‍കി
എന്‍ഡോസള്‍ഫാന്‍ ദുരിതബാധിതരുടെ മെഡിക്കല്‍ ക്യാമ്പ് നടത്താനുള്ള എന്‍ഡോസള്‍ഫാന്‍ ദുരിത ബാധിതരുടെ ഏകോപനത്തിനും പുനരധിവാസത്തിനുമുള്ള സെല്‍ തീരുമാനം അടിയന്തരമായി നടപ്പിലാക്കാന്‍ ജില്ലാ കളക്ടര്‍ക്ക് സെല്‍ ചെയര്‍മാന്‍ കൂടിയായ പൊതുമരാമത്ത് ടൂറിസം വകുപ്പ് മന്ത്രി പി.എ.മുഹമ്മദ് റിയാസ് നിര്‍ദ്ദേശം നല്‍കി. കാസര്‍കോട് താലുക്ക് തല അദാലത്തില്‍ ലഭിച്ച പരാതികള്‍ പരിഗണിച്ചാണ് മെഡിക്കല്‍ ക്യാമ്പിനുള്ള സ്ഥലം ഉടന്‍ തീരുമാനിക്കാന്‍ മന്ത്രി ജില്ലാ കളക്ടര്‍ കെ.ഇമ്പശേഖറിനോട് നിര്‍ദ്ദേശിച്ചത്. മെഡിക്കല്‍ ക്യാമ്പിന് ആവശ്യമായ വിദഗ്ദ ഡോക്ടര്‍മാരെ ലഭ്യമാക്കാന്‍ ആരോഗ്യ വകുപ്പിനും നിര്‍ദ്ദേശം നല്‍കി. ഇതു സംബന്ധിച്ച് ആരോഗ്യ വകുപ്പ് മന്ത്രി വീണാ ജോര്‍ജുമായി ടെലിഫോണില്‍ സംസാരിച്ചു. ജില്ലാ മെഡിക്കല്‍ ഓഫീസര്‍ ഡോ.എ.വി.രാംദാസ,് എന്‍.എച്ച്.എം പ്രൊജക്ട് ഓഫീസര്‍ ഡോ.റിജിത് എന്നിവരും പങ്കെടുത്തു.
0 Comments