ചീമേനി പൊലീസ് ജീപ്പിൽ ടിപ്പർ ലോറിയിടിച്ച് പൊലീസ് സംഘത്തെ കൊലപ്പെടുത്താൻ ശ്രമം

കാഞ്ഞങ്ങാട് . കവർച്ച ചെയ്ത ടിപ്പർ ലോറി പിടികൂടാ

നുള്ള ശ്രമത്തിനിടെ ചീമേനി എസ്ഐയെയും പോലീസ് സംഘത്തെയും ടിപ്പർ ലോറി പോലീസ് ജീപ്പിൽ ഇടിച്ച്  കൊലപ്പെടുത്താൻ ശ്രമം.പ്രതി ടിപ്പർ ലോറിയുമായി ഉടനടി രക്ഷപ്പെടുകയും ചെയ്തു. പട്രോളിങ് ഡ്യൂട്ടിയിൽ ഉണ്ടായിരുന്ന ചീമേനി എസ്. ഐ പി .വി .രാമചന്ദ്രനെയും ഒപ്പമുണ്ടായിരുന്ന പോലീസുകാരെയും ആണ് ടിപ്പർ ലോറി ഇടിച്ചു കൊലപ്പെടുത്താൻ ശ്രമമുണ്ടായത്. ചീമേനി പോലീസ് സ്റ്റേഷന്റെ ബോലോറോ ജീപ്പ് തകർന്ന് അറുപതിനായിരം രൂപയുടെ നഷ്ടം മുണ്ട്. പോലീസുകാർ പരിക്കേൽക്കാതെ അത്ഭുതകരമായി രക്ഷപ്പെടുകയായിരുന്നു. വടകരയിൽ നിന്നും കഴിഞ്ഞ ദിവസം കവർച്ച ചെയ്ത ടിപ്പർ ലോറി ചീമേനി പോലീസ് അതിർത്തിയിലേക്ക് കടന്നിട്ടുണ്ടെന്ന് വടകര പോലീസ് രാവിലെ ചീമേനി പോലീസിനെ അറിയിക്കുകയായിരുന്നു. ഇൻസ്പെക്ടറുടെ

 നിർദ്ദേശപ്രകാരം പട്രോളിങ് ഡ്യൂട്ടിയിൽ ഉണ്ടായിരുന്ന എസ് ഐ രാമചന്ദ്രനും സംഘവും റോഡിൽ പരിശോധന നടത്തുന്നതിനിടെ കവർച്ച ചെയ്ത ലോറി ഇതുവഴി വന്നു. ചീമേനി പ്ലാന്റേഷൻ കോർപ്പറേഷന്റെ സ്റ്റാളിന് സമീപം വെച്ച് ടിപ്പർ ലോറിയെ പോലീസ് കൈകാണിച്ചു നിർത്താൻ ആവശ്യപ്പെട്ടെങ്കിലും ലോറി നിർത്താതെ ഓടിച്ചു പോവുകയായിരുന്നു. ഇതേത്തുടർന്ന് പോലീസ് ടിപ്പർ ലോറിയെ പിന്തുടരുകയും അൽപ്പദൂരം സഞ്ചരിച്ച ശേഷം ചള്ളുവക്കോട് റോഡ് ജംഗ്ഷനിൽ വച്ച് ലോറിയെ മറികടന്ന് മുന്നിൽ നിർത്തുകയും ചെയ്തു. പോലീസ് ജീപ്പ് മുന്നയിലെത്തിയതോടെ നിർത്തിയ ടിപ്പർ ലോറി പിന്നോട്ട് എടുത്ത് പിൻഭാഗം ഉപയോഗിച്ച് പോലീസ് ജീപ്പിൽ ഇടിക്കുകയായിരുന്നു വെന്ന് പോലീസ് പറഞ്ഞു.

എസ് ഐ ഇരുന്ന ഭാഗത്താണ് ടിപ്പർ ലോറി ജീപ്പിൽ ഇടിച്ചത് . ഉടൻ തന്നെ

 ഡ്രൈവർ ടിപ്പർ ലോറിയുമായി രക്ഷപ്പെട്ടു. കണ്ടാലറിയാവുന്ന ടിപ്പർ ലോറി ഡ്രൈവർക്കെതിരെ ചീമേനി പോലീസ് വധശ്രമ

ത്തിനും ഔദ്യോഹിക കൃത്യ നിർവഹണം തടസ്സപ്പെടുത്തിയതിന് ഉൾപ്പെടെ കേസ് രജിസ്റ്റർ ചെയ്തു.