Ticker

6/recent/ticker-posts

മൊബൈൽ ഫോൺ മോഷണം പോയത് പറയാൻ പൊലീസിലെത്തി തിരിച്ച് പോകുമ്പോൾസ്കൂട്ടർ മോഷണം പ്രതി അറസ്റ്റിൽ

കാഞ്ഞങ്ങാട്: പോലീസ് സ്റ്റേഷനിൽ പരാതി പറയാൻ എത്തിയ ആൾ മടങ്ങിയത് സ്കൂട്ടർ മോഷ്ടിച്ചു. മണിക്കൂറുകൾക്കകം പ്രതിയെ പിടികൂടി പോലീസും.  സംഭവവുമായി ബന്ധപ്പെട്ട് തമിഴ്നാട്  നാഗപട്ടണം രാധാമംഗലം സ്വദേശി ജയപ്രകാശൻ (52) അറസ്റ്റിലായി. തിങ്കളാഴ്ച വൈകിട്ട് ആറുമണിയോടെയാണ്  ചന്തേര പോലീസ് സ്റ്റേഷനു സമീപത്തു നിന്ന് സ്കൂട്ടർ മോഷണം പോയത്. തന്റെ മൊബൈൽ ഫോൺ മോഷണം പോയതുമായി ബന്ധപ്പെട്ട് പരാതി പറയാൻ എത്തിയതായിരുന്നു ജയപ്രകാശൻ. പോലീസ് പിന്നീട് വരാൻ നിർദ്ദേശിച്ചതോടെ പരിസരത്തെ കടയിൽ നിർത്തിയിട്ടിരുന്ന സ്കൂട്ടർ എടുത്ത് മുങ്ങുകയായിരുന്നു. ഫുട്ബോൾ താരവും ചന്തേര സ്വദേശിയുമായ ഷബിന്റെ ഉടമസ്ഥതയിലുള്ളതായിരുന്നു  സ്കൂട്ടർ. യുവാവിന്റെ പരാതിയിൽ കേസെടുതോടെയാണ് പോലീസ് സിസിടിവി യിൽ മോഷ്ടാവിന്റെ ദൃശ്യം കണ്ടത്. തുടർന്ന് നടത്തിയ അന്വേഷണത്തിൽ മടക്കരയിലെ യുവാക്കൾ സ്കൂട്ടർ പ്രദേശത്ത് ഒരാൾ കൊണ്ടുപോകുന്നതായി  പോലീസിൽ വിവരം  അറിയിച്ചിരുന്നു. എസ് ഐ എംവി ശ്രീദാസിന്റെ നേതൃത്വത്തിൽ നടത്തിയ അന്വേഷണത്തിൽ പ്രതിയെ പിടികൂടി. പ്രതിയെ ഇന്ന് ഉച്ചയോടെ കാഞ്ഞങ്ങാട് കോടതിയിൽ ഹാജരാക്കി.
Reactions

Post a Comment

0 Comments