ട്രഞ്ചിംഗ് ഗ്രൗണ്ടിൽ മാലിന്യം കത്തിയത് അന്വേഷിക്കണം : പ്രതിപക്ഷം

കാഞ്ഞങ്ങാട് :നഗരസഭയുടെ ട്രഞ്ചിങ് ഗ്രൗണ്ടിൽ ഉണ്ടായ തീപിടുത്തത്തിൽ സമഗ്രമായ അന്വേഷണം ആവശ്യമാണെന്ന് നഗരസഭ പ്രതിപക്ഷം.

 വർഷങ്ങളായി കെട്ടിക്കിടക്കുന്ന  മാലിന്യങ്ങൾ ഒഴിവാക്കുന്നതിന് എറണാകുളത്തെ കമ്പനിക്ക് ടെൻഡർ നടപടി പൂർത്തീകരിച്ചതാണ്, ശുചിത്വ മിഷന്റെ സാങ്കേതിക പ്രശ്നങ്ങൾ പറഞ്ഞു മാലിന്യങ്ങൾ നീക്കം ചെയ്യുന്നത് തടസ്സപ്പെട്ടു.  അതിനിടയിൽ ഉണ്ടായ  തീപിടുത്തം  അബദ്ധത്തിൽ സംഭവിക്കാൻ ഇടയില്ല  സമഗ്രമായ  അന്വേഷണം നടത്തണമെന്ന് യുഡിഎഫ് പാർലമെന്റ് പാർട്ടി ലീഡർ കെ. കെ. ജാഫർ ആവശ്യപ്പെട്ടു.