അമേരിക്കയിൽ പോകാനുള്ള ഒരുക്കത്തിനിടെ യുവതി ബൈക്ക പകടത്തിൽ മരിച്ചു, സഹോദരന് ഗുരുതരം

കാഞ്ഞങ്ങാട് :അമേരിക്കയിൽ പോകാനുള്ള ഒരുക്കത്തിനിടെ യുവതി ബൈക്ക പകടത്തിൽ മരിച്ചു. സഹോദരന് ഗുരുതരമായി പരിക്കേറ്റു. പടുപ്പ് ആനക്കല്ല് കുന്നത്ത് 

ജോയി എന്ന അബ്രഹാമിന്റെയും മിനിയുടെയും  

മകൾ ഹണി അബ്രഹാമാണ് 23 മരിച്ചത്. കൈക്കുൾപെടെ ഗുരുതരമായി പരിക്കേറ്റ സഹോദരൻ ഹൈഗ്നസ് അബ്രഹാം 22 മംഗ്ളുരു ആശുപത്രിയിൽ ചികിൽസയിലാണ്. കാറഡുക്ക ശാന്തിനഗറിൽ ഇന്നലെ രാത്രി 10.30 മണിക്കാണ് അപകടം. കോട്ടൂർ ഭാഗത്തേക്ക് സഹോദരൻ ഓടിച്ച

മോട്ടോർ ബൈക്ക് നിയന്ത്രണം വിട്ട് മറിഞ്ഞാണ് പിന്നിലിരുന്ന ഹണിക്ക് ഗുരുതരമായി പരിക്കേറ്റത്. മംഗ്ളുരു ആശുപത്രിയിലെത്തിച്ചെങ്കിലും മരിക്കുകയായിരുന്നു . യുവാവിന്റെ ഏക കൂടപ്പിറപ്പാണ് മരിച്ച ഹണി. അവിവാഹിതയാണ്.  ഓൺലൈൻ വഴി ഒരു കമ്പനിയിൽ ജോലി ചെയ്ത് വരികയായിരുന്നു. അമേരിക്കയിലെ കമ്പനിയിൽ ജോലി ലഭിച്ചതിനെ തുടർന്ന് അമേരിക്കയിലേക്ക് പോകാനിരിക്കെയാണ് വിയോഗം.