നീലേശ്വരം : ട്രെയിൻ യാത്രയ്ക്കിടെ വനിതാ ഡോക്ടർക്ക് നേരെ സഹയാത്രികന്റെ ലൈംഗികാതിക്രമം. മംഗളൂരുവിൽ ഹൗസ് സർജനായ യുവതിയെയാണ് ചെന്നൈ മംഗളുരു എക്സ്പ്രസിൽ വച്ച് മധ്യവയസ്കൻ ശല്യം ചെയ്തത്. ചൊവ്വാഴ്ച പുലർച്ചെയാണ് സംഭവം. തലശ്ശേരിയിൽ നിന്ന് കയറിയ 50 വയസ്സ് പ്രായമുള്ള ആളാണ് തന്നെ പീഡിപ്പിക്കാൻ ശ്രമിച്ചതെന്ന് കാസർകോട് റെയിൽവേ പോലീസിനെ നൽകിയ പരാതിയിൽ യുവതി പറയുന്നു. യുവതി അയാളുടെ ഫോട്ടോ മൊബൈൽ ഫോൺ ഉപയോഗിച്ച് എടുത്തതോടെ നീലേശ്വരം റെയിൽവേ സ്റ്റേഷനിൽ എത്തിയപ്പോൾ ഇറങ്ങി ഓടി പോയി. ജനറൽ കമ്പാർട്ട്മെന്റ് ആയതിനാൽ നല്ല തിരക്കായിരുന്നു എന്ന് യുവതി പറയുന്നു. ആദ്യം കൈ ഉപയോഗിച്ച് രഹസ്യ ഭാഗത്ത് സ്പർശിച്ചപ്പോൾ തന്നെ രൂക്ഷമായി പ്രതികരിച്ചു താക്കീത് നൽകിയെന്ന് ഡോക്ടർ പോലീസിനോട് പറഞ്ഞു. തുടർന്ന് മയങ്ങിയപ്പോഴാണ് തോളിൽ അവയവം കൊണ്ട് ഉരസി എന്നും പരാതിയിൽ പറയുന്നു. ട്രെയിൻ കാസർകോട് റെയിൽവേ സ്റ്റേഷനിൽ എത്തിയപ്പോൾ യുവതി പോലീസിൽ പരാതിപ്പെടുകയായിരുന്നു.
സംഭവത്തെ കുറിച്ചുള്ള അന്വേഷണം കേരള പോലീസും ഊർജ്ജിതമാക്കിയിട്ടുണ്ട്.
0 Comments