കാഞ്ഞങ്ങാട്ടെ രാജസ്ഥാൻ ഇലക്ട്രോണിക്സ് ഷോപ്പുടമ വാഹനാപകടത്തിൽ മരിച്ചു, അപകടം ബസും ബൈക്കും കൂട്ടിയിടിച്ച്

കാഞ്ഞങ്ങാട് :കാഞ്ഞങ്ങാട് മർച്ചൻറ്സ് അസോസിയേഷൻ അംഗവും കാഞ്ഞങ്ങാട്ടെ രാജസ്ഥാൻ ഇലക്ട്രിക്കൽസ് ഷോപ്പ് ഉടമയുമായ പത്മറാം 42  വാഹനാപകടത്തിൽ മരിച്ചു.

രാജസ്ഥാൻ കർമ്മവാസ് നിവാസിയായ സുജാറാമിന്റെ മകനായ പത്മറാം കാൽ നൂറ്റാണ്ടിലേറെയായി കാഞ്ഞങ്ങാട് നഗരത്തിൽ കല്ലട്ര കോംപ്ലക്സിൽ ഇലക്ട്രിക്

കടനടത്തിവരികയായിരുന്നു. കുടുംബ സമേതം റിയൽഹൈപ്പർ മാർക്കറ്റിന് പടിഞ്ഞാറു ഭാഗം പതിററായി താമസിച്ച് വരികയായിരുന്നു. രാജസ്ഥാനിലെ സ്വന്തം നാട്ടിൽ ബന്ധുക്കളെ സന്ദർശിക്കാൻ പോയ പോൾ ഇവിടെ വച്ചാണ് അപകടമുണ്ടായത്.

 സുഹൃത്തിനൊപ്പം ബൈക്കിൽ കമ്മോൺ കാ പാഡയിൽ നിന്ന് സ്വന്തം ഗ്രാമത്തിലേക്ക് പോകവെ  സ്വകാര്യ ബസ് ബൈക്കിൽ ഇടിക്കുകയായിരുന്നു. സംഭവസ്ഥലത്ത് തന്നെ മരിച്ചു. സുഹൃത്തിന് ഗുരുതരമായി പരിക്കേറ്റു. 

ബസ് പൊലീസ് കസ്റ്റഡിയിലെടുത്തു.

 സാംദാരി പൊലീസ് സ്റ്റേഷൻ ഓഫീസർ ഓംപ്രകാശ്, തഹസിൽദാർ ഷൈതാൻ സിംഗ് എന്നിവർ സ്ഥലത്തെത്തി. സംഭവസ്ഥലം പരിശോധിച്ചു. സ്വകാര്യ ബസ് പിടിച്ചെടുത്തതായി പൊലീസ് സ്റ്റേഷൻ ഓഫീസർ ഓംപ്രകാശ് പറഞ്ഞു. കുടുംബാംഗങ്ങളുടെ റിപ്പോർട്ടിന്റെ അടിസ്ഥാനത്തിൽ തുടർനടപടികൾ സ്വീകരിക്കുമെന്ന് പൊലീസ് ബന്ധുക്കളോട് പറഞ്ഞു.