കാഞ്ഞങ്ങാട് കല്ലംചിറ പതിക്കാൽ ദേവസ്ഥാനത്തെ കവർച്ച : പ്രതി അറസ്റ്റിൽ

കാഞ്ഞങ്ങാട് :കാഞ്ഞങ്ങാട് കല്ലൻചിറ പതിക്കാൽ അച്ചിമേലോലമ്മ ദേവസ്ഥാനത്ത് കവർച്ച നടത്തിയ പ്രതി അറസ്റ്റിൽ. ഇന്ന് ഉച്ചയോടെ ഹോസ്ദുർഗ് പൊലീസ് ഇൻസ്പെക്ടർ പി. അജിത് കുമാറിന്റെ നേതൃത്വത്തിലാണ് പ്രതിയെ അറസ്ററ് ചെയ്തത്.

കണ്ണൂർ കുന്നരുവിലെ പ്രകാശനെ 45 യാണ്  പിടികൂടിയത്.

കണ്ണൂരിൽ നിന്നും പിടികൂടിയ പ്രതിയെ കാഞ്ഞങ്ങാട് എത്തിച്ചു. 30000 രൂപ വില വരുന്ന പിച്ചള കൊണ്ട് ഉണ്ടാക്കിയ രണ്ട് വലിയ മണി, ആറ് തൂക്ക് വിളക്ക്, കൈമണി, കൊടി വിളക്ക്, തളിക, സ്റ്റീൽ കൊണ്ട് ഉണ്ടാക്കിയ ഭണ്ഡാരവും 2000 രൂപയും പ്രതികഴിഞ്ഞ ദിവസം രാത്രി കവർച്ച നടത്തുകയായിരുന്നു. സെക്രട്ടറി സി.രാജീവൻ്റെ പരാതിയിൽ ഹോസ്ദുർഗ് പൊലീസ് കേസെടുത്തിരുന്നു. കവർച്ച ചെയ്ത സാധനങ്ങളിൽ ഭൂരിഭാഗവും കണ്ടെത്തി.