ദിവസങ്ങൾക്കിടെ 40 ഗ്രാം എം.ഡി.എം.എ പിടികൂടി പൊലീസ് ആറ് പേർ അറസ്റ്റിൽ

കാഞ്ഞങ്ങാട് :ജില്ലയിൽ വൻ ലഹരി വേട്ട

കാസർകോട്, വിദ്യാനഗർ, ഹോസ്ദുർഗ്, ബേക്കൽ പൊലീസ് സ്റ്റേഷനുകളിലായി

നാൽപത് ഗ്രാമോളം എംഡിഎംഎ യും ആറ് ഗ്രാം ഹൈബ്രിഡ് കഞ്ചാവും പിടികൂടി.

 ലഹരികടത്തു സംഘത്തിലെ ആറ് പേർ പിടിയിൽ.

വാഹന പരിശോധനക്കിടെ ഓട്ടോയിൽ കടത്താൻ ശ്രമിച്ച മാരക രാസലഹരിയായ എംഡിഎംഎ യുമായി രണ്ടുപേർ പിടിയിലായി കാസർകോട് ഷിറിബാഗിലു നാഷണൽ നഗർ സ്വദേശിയും മുളിയാർ മാസ്തിക്കുണ്ട് ക്വാട്ടേഴ്‌സിൽ താമസിക്കുന്ന ഉസ്‍മാൻ 43, ഷിറിബാഗിലു ബദർ പള്ളിക്കു സമീപം താമസിക്കുന്ന അബ്ദുൽ റഹിമാൻ 55 എന്നിവരാണ് കാസർകോട് പൊലീസിന്റെ പിടിയിലായത്. 28.32 ഗ്രാം എംഡിഎംഎ യാണ് ഇവരിൽ നിന്നും പിടികൂടിയത്. വാഹനത്തിന്റെ ഡ്രൈവർ സീറ്റിന്റെ അടിയിലായുള്ള സ്റ്റോറേജ് ബോക്സിനുള്ളിൽ നിന്നും പ്ലാസ്റ്റിക് കവറിൽ സൂക്ഷിച്ച നിലയിലാണ് മയക്കുമരുന്ന് കണ്ടെടുത്തത്.

വിദ്യാനഗർ പൊലീസ് സ്റ്റേഷൻ പരിധിയിൽ സംശയ സാചര്യത്തിൽ കണ്ട ആളെ  വിദ്യാനഗർ പൊലീസും ജില്ലാ പൊലീസ് മേധാവിയുടെ ലഹരി വിരുദ്ധ സ്‌ക്വാഡും ചേർന്ന് പരിശോധിച്ചപ്പോൾ 6  ഗ്രാം എംഡിഎംഎ യും 6  ഗ്രാം ഹൈബ്രിഡ് കഞ്ചാവും പിടികൂടി ഉളിയത്തടുക്ക ഗണേഷ് നഗർ സ്വദേശി മുഹമ്മദ് ഹനീഫ34ആണ് പിടിയിലായത്.

ഹോസ്ദുർഗ് പൊലീസിന് വീട്ടിൽ ലഹരി സൂക്ഷിച്ചതായി രഹസ്യ വിവരം ലഭിച്ചതിന്റെ അടിസ്ഥാനത്തിൽ നടത്തിയ പരിശോധനയിൽ 3 ഗ്രാം എംഡിഎംഎ യുമായി മുറിയാനാവി സ്വദേശി ഷാജഹാൻ അബൂബക്കർ41 പിടിയിലായി. കിടപ്പുമുറിയിലെ ബാത്‌റൂമിൽ ഒളിപ്പിച്ച നിലയിലാണ് മയക്കുമരുന്ന് കണ്ടെത്തിയത്.

കഴിഞ്ഞ ദിവസം ബേക്കൽ പൊലീസ് രണ്ട് പേരെ എംഡിഎംഎ യുമായി പിടികൂടിയിരുന്നു പയ്യന്നൂർ രാമ ദളി കുന്നരു സ്വദേശികളായ പ്രജിത് എം 33, സജിത്ത് 36എന്നിവരാണ് പിടിയിലായത് 1.95 ഗ്രാം എംഡിഎംഎ യാണ് ഇവരിൽ നിന്നും പിടികൂടിയത്. വാഹന പരിശോധനക്കിടെ പെരിയ സെൻട്രൽ യൂണിവേഴ്സിറ്റിക്ക് സമീപത്തുനിന്നുമാണ് ഇവർ പിടിയിലായത്.         

ആകെ 39 .27  ഗ്രാം എംഡിഎംഎ യും 6 ഗ്രാം ഹൈബ്രിഡ് കഞ്ചാവുമാണ് ആറ് പേരിൽ നിന്നുമായി  ജില്ലയിൽ പിടികൂടിയത്. 

ജില്ലാ പൊലീസ് മേധാവി  ബി. വി. വിജയ ഭരത് റെഡ്‌ഡിയുടെ നിർദ്ദേശപ്രകാരം എഎസ്പി ഡോ. നന്ദഗോപൻ. , കാഞ്ഞങ്ങാട് ഡിവൈഎസ്പി സുരേഷ് ബാബു, ബേക്കൽ ഡിവൈഎസ്പി വി . വി . മനോജ്  എന്നിവരുടെ മേൽനോട്ടത്തിൽ കാസർകോട് ഇൻസ്‌പെക്ടർ നളിനാക്ഷൻ , വിദ്യാനഗർ ഇൻസ്‌പെക്ടർ ഷൈൻ , ഹോസ്ദുർഗ് ഇൻസ്‌പെക്ടർ അനൂപ് കുമാർ , ബേക്കൽ ഇൻസ്‌പെക്ടർ രഞ്ജിത്ത് രവീന്ദ്രൻ സബ് ഇൻസ്‌പെക്ടർ രാജീവൻ , അനൂപ് ., അഖിൽ , ജിജേഷ് , സെബാസ്റ്റ്യൻ, നീതു, റോഷിത് മൗഷമി , എഎസ്ഐ അജയകുമാർ, പ്രദീപ് കുമാർ, നിഷാദ് സീനിയർ സിവിൽ ഓഫിസർമാരായ  അനിൽ ,  പ്രശാന്ത്,   ശ്യാം ചന്ദ്രൻ, രമേഷ് ,  ജീതീഷ്, രാജേഷ്, സനീഷ് ജോസഫ്, കൃഷ്ണനുണ്ണി ജില്ലാ പൊലീസ് മേധാവിയുടെ സ്‌ക്വാഡ് കാസർകോട്, കാഞ്ഞങ്ങാട് സബ് ഡിവിഷൻ സ്‌ക്വാഡ് എന്നിവർ ചേർന്നാണ് പ്രതികളെ പിടികൂടിയത്.       

 

'