പൊലീസ് വാഹനത്തിൽ ഇടിച്ച കാർ നിർത്താതെ പോയി

കാഞ്ഞങ്ങാട് : സംശയ സാഹചര്യത്തിൽ ഓടിച്ചു വരുന്നുണ്ടെന്ന വിവരത്തെ തുടർന്ന് തടയാൻ ശ്രമിച്ച കാർ പൊലീസ് വാഹനത്തിൽ ഇടിപ്പിച്ച ശേഷം രക്ഷപ്പെട്ടു. പള്ളിക്കര ബീച്ച് റോഡിൽ ഓവർ ബ്രിഡ്ജിന് താഴെ ജംഗ്ഷനിലാണ് കാർ ,പൊലീസ് ജീപ്പിൽ ഇടിപ്പിച്ചത്. ബേക്കൽ സ്റ്റേഷൻ്റെ ജീപ്പിൻ്റെ മുൻപിലും സൈഡിലും ഇടിപ്പിച്ച് രക്ഷപ്പെടുകയായിരുന്നു. പൊലീസ് പിന്തുടർന്നെങ്കിലും പിടികൂടാനായില്ല. കാറിൻ്റെ നമ്പർ തിരിച്ചറിഞ്ഞ് കേസെടുത്തു. പള്ളിക്കര ബീച്ച് ഭാഗത്തേക്കാണ് കാർ ഓടിച്ചു പോയത്.