ബസ് ജീവനക്കാർ തമ്മിൽ ഉണ്ടായ സംഘർഷത്തിൽ രണ്ട് പേർക്ക് പരിക്ക്. നാല് പേർക്കെതിരെ പൊലീസ് കേസെടുത്തു. സമയതർക്കത്തെ തുടർന്ന് ബസ് ഡ്രൈവറെയടക്കം ജീവനക്കാരെ മറ്റ് ബസുകളിലെ ജീവനക്കാർ ആക്രമിക്കുകയായിരുന്നു. കുമ്പള ബസ് സ്റ്റാൻഡിന് സമീപത്താണ് സംഭവം. കാസർകോട് തലപ്പാടി റൂട്ടിലോടുന്ന റാഹി ഡീലക്സ് ബസിലെ ഡ്രൈവർ കന്നിപ്പാടിയിലെ എൻ. അമീർ 30, ഇതേ ബസിലെ ജീവനക്കാരൻ സാദിഖ് 25 എന്നിവർക്കാണ് പരിക്കേറ്റത്. സംഭവത്തിൽ സഹാദ്, നിഷാദ്, ബാദുഷ, അമീൻ എന്നിവർക്കെതിരെ കുമ്പള പൊലീസ് കേസെടുത്തു. ജിസ് തിയ, സഫർ ബസുകളിലെ ജിവനക്കാരാണിവർ. പഞ്ച് കൊണ്ട് മൂക്കിന് ഉൾപെടെ പരിക്കേൽപ്പിച്ചെന്ന പരാതിയിലാണ് കേസ്.
0 Comments