കാഞ്ഞങ്ങാട് ടൗണിൽ മുറിച്ചുമാറ്റിയ മരങ്ങളുടെ പകരക്കാരൻ പൂത്തുലഞ്ഞു

കാഞ്ഞങ്ങാട് : കെ. എസ്. ടി.പി റോഡ് നിർമ്മാണത്തിന് മുന്നോടിയായി മുറിച്ചുമാറ്റിയ വൻമരങ്ങൾക്ക് പകരമായി നട്ട മാവ് പൂത്തുലഞ്ഞു. കാഞ്ഞങ്ങാട് ടൗണിൽ കോട്ടച്ചേരി ട്രാഫിക് സർക്കിളിനടുത്താണ് റോഡരികിൽ മാവ് പൂത്തുലഞ്ഞത്. ഏതാനും വർഷങ്ങൾക്ക് മുൻപ് മാത്രം നട്ട മാവിൽ നിറയെ പൂക്കളാണ്. നഗരത്തിലെത്തുന്ന വർക്ക് നല്ല കാഴ്ചയൊരുക്കുകയാണ് മാവ്. അന്യ സംസ്ഥാനത്ത് നിന്നും കൊണ്ട് വന്ന പ്രത്യേകതരം മാവാണ് പൂത്ത് കായ്ക്കാൻ തയാറായി നിൽക്കുന്നത്. മുറിച്ചതണൽമരങ്ങൾക്ക് പകരം നഗരത്തിൻ്റെ ഇരുവശങ്ങളിലും ബദാം അടക്കം പഴവർഗതൈകളും ഔഷ ഗുണമുള്ള ചെടികളുമാണ് നട്ടത്. ഇവയൊക്കെ വളർന്നു പന്തലിച്ച് കായ്ക്കൾ നൽകി തുടങ്ങി. നഗരത്തിലെത്തുന്നവരിൽ പലരും കായ്ക്കൾ പറിച്ച് ഭക്ഷിക്കാറുണ്ട്.