കാൽ ലക്ഷം രൂപയുമായി അഞ്ചംഗ പുള്ളിമുറി ചൂതാട്ട സംഘം പിടിയിൽ

കാസർകോട്:കാൽ ലക്ഷത്തോളം രൂപയുമായി അഞ്ചംഗ പുള്ളിമുറി ചൂതാട്ട സംഘം പൊലീസ് പിടിയിൽ. പൊതു സ്ഥലത്ത് ചൂതാട്ടത്തിലേർപ്പെട്ടവരെ ഇന്ന് പുലർച്ചെ ബദിയഡുക്ക പൊലീസ് പിടികൂടുകയായിരുന്നു. ഉക്കിനടുക്ക കേരള പ്ലാൻ്റേഷൻ കോപ്പറേഷൻ ലിമിറ്റഡ് ഡയറി ഫാമിലേക്ക് പോകുന്ന റോഡരികിലായിരുന്നു ചൂതാട്ടം. 24050 രൂപ പിടിച്ചെടുത്തു. ബേഡഡുക്ക ശശികുമാർ 40, സ്വർഗകെ. പ്രദീപ് 36, ഉക്കിനടുക്ക സ്വദേശികളായ കെ. ജി. പ്രദീപ് 27, മുഹമ്മദ് റഫീഖ് 43,ബേഡഡുക്ക രവി 43 എന്നിവരാണ് പിടിയിലായത്.