പൊലീസ് ഉണർന്നു, മൃതദേഹത്തിൻ്റെ വിരലടയാളം പരിശോധിച്ച് മരിച്ച യുവാവിനെ തിരിച്ചറിഞ്ഞു

കാസർകോട്: അജ്ഞാത മൃതദേഹമെന്ന് കരുതി സംസ്ക്കരിക്കുമായിരുന്ന യുവാവിൻ്റെ മൃതദേഹം പൊലീസ് നടത്തിയ സമഗ്രമായ അന്വേഷണത്തിൽ തിരിച്ചറിഞ്ഞ് ബന്ധുക്കൾക്ക് വിട്ടുകൊടുത്തു. കുമ്പള ആരിക്കാടി ട്രാക്കിൽ ഇന്നലെ പുലർച്ചെ അജ്ഞാത മൃതദേഹം കാണുകയായിരുന്നു. മുഖവും തല ഭാഗവും പൂർണമായും പരിക്ക് പറ്റി മൃതദേഹം തിരിച്ചറിയാനാവാത്ത വിധത്തിലായിരുന്നു. തുടർന്നാണ് പൊലീസ് മരിച്ച യുവാവിൻ്റെ വിരലടയാളം , ഫിങ്കർ പ്രിൻ്റ് വിദഗ്ധരുടെ സഹായത്തോടെ ശേഖരിച്ചത്. ശേഷം പൊലീസിൻ്റെ ഡാറ്റ ബാങ്കിലുള്ള നൂറ് കണക്കിന് വിരലടയാളങ്ങളുമായി ഒത്ത് നോക്കി കോയിപ്പാടി റഹിയാനമൻസിലിൽ അബ്ദുൾ ഖാദറിൻ്റെ മകൻ എ.ആസിഫിൻ്റെതാണ് മൃതദേഹമെന്ന് തിരിച്ചറിയുകയായിരുന്നു. കുമ്പള എസ്.ഐ പ്രദീപ് കുമാർ, ജൂനിയർ എസ്.ഐ അനന്ദകൃഷ്ണൻ എന്നിവർ ചേർന്ന് വിദഗ്ധമായി

 നടത്തിയ അന്വേഷണത്തിലായിരുന്നു മൃതദേഹം തിരിച്ചറിയാനായത്. പോസ്റ്റ്മോർട്ടം നടപടികൾക്ക് ശേഷം ബന്ധുക്കൾ മൃതദേഹം ഏറ്റ് വാങ്ങി.