വീടിന് സമീപം നിർത്തിയിട്ടിരുന്ന മോട്ടോർ ബൈക്ക് തീ വെച്ച് നശിപ്പിച്ച നിലയിൽ

കാഞ്ഞങ്ങാട് : കാഞ്ഞങ്ങാട് മോട്ടോർ വർക്കേഴ്സ് കോപ്പറേറ്റീവ് സൊസൈറ്റി ജീവനക്കാരൻ്റെ മോട്ടോർ ബൈക്ക് തീ വച്ച് നശിപ്പിച്ച നിലയിൽ. ചെറുവത്തൂർ രാമഞ്ചിറയിലെ ആർ.സി വിജയൻ്റെ ഇരുചക്ര വാഹനമാണ് അഗ്നിക്കിരയാക്കിയത്. റോഡ് പണി നടക്കുന്നതിനാൽ ഇന്നലെ രാത്രി വീടിന് സമീപം റോഡരികിൽ നിർത്തിയിട്ട ബൈക്കാണ് അഗ്നിക്കിരയാക്കിയത്. ഇന്ന് പുലർച്ചെ 2 മണിയോടെ കത്തുന്നത് കണ്ട് വീട്ടുകാർ ഫയർഫോഴ്സിനെ വിളിച്ചു. തൃക്കരിപ്പൂരിൽ നിന്നും ഫയർ ഫോഴ്സെത്തി തീയണക്കുകയായിരുന്നു. വാഹനം പൂർണമായും കത്തിനശിച്ചു. 

അരലക്ഷം രൂപയുടെ നഷ്ടമുണ്ട്. ചന്തേര പൊലീസ് കേസെടുത്തു.